बॉलिवूड अभिनेता शाहिद कपूर आगामी चित्रपट जर्सीबाबत चाहत्यांमध्ये क्रेझ पहायला मिळत आहे. या चित्रपटाचे शूटिंग पूर्ण झाले आहेत आणि हा चित्रपटाचे पोस्ट प्रोडक्शन सुरू आहे. तसेच शाहिद कपूर ओटीटी प्लॅटफॉर्मवर पदार्पण करणार आहे आणि त्यामुळे तो चर्चेत आहे. तो दिग्दर्शक राज अँड डीकेच्या वेबसीरिजमध्ये दिसणार आहे. या सीरिजमध्ये त्याच्यासोबत राशी खन्ना दिसणार आहे. यादरम्यान आता शाहिद कपूरसंदर्भात मोठी माहिती समोर येत आहे. मीडिया रिपोर्ट्सनुसार, शाहिद कपूर दिग्दर्शक राकेश ओम प्रकाश मेहराच्या महाभारत चित्रपटात कर्णाची भूमिका साकारताना दिसणार आहे.
पिंकव्हिला रिपोर्टनुसार, जवळच्या सूत्रांनी दिलेल्या माहितीनुसार शाहिद कपूरला चित्रपटाची स्क्रीप्ट आवडली आहे. तो रुपेरी पडद्यावर कर्णाची भूमिका साकारणार आहे. हा एक मायथोलॉजिकल ड्रामा चित्रपट असणार आहे. आता निर्माते हा चित्रपट २०२३ला रिलीज करण्याची योजना करत आहे.
राकेश, रोनी आणि शाहिदने चित्रपट भव्य स्तरावर बनवण्याच्या तयारीत आहे. या चित्रपटाला सुरू करण्याआधी खूप तयारी करावी लागणार आहे. दुसऱ्या तयारीशिवाय शाहिद चित्रपटासाठी शारीरिक ट्रान्सफॉर्मेशनदेखील करणार आहे.