सलमान खानच्या चाहत्यांना ज्या क्षणाची प्रतीक्षा होती, तो क्षण आलाय. होय, सलमानचा बहुप्रतिक्षीत चित्रपट ‘दबंग 3’चे शूटींग सुरु झाले आहे. चाहते दीर्घकाळापासून या चित्रपटाकडे डोळे लावून बसले होते. ‘दबंग’ आणि ‘दबंग 2’ पाहिल्यानंतर ‘दबंग 3’ कधी एकदा येतो, असे चाहत्यांना झाले होते. अखेर आज इंदूरमध्ये या चित्रपटाच्या शूटींगचा शुभारंग झाला. केवळ इतकेच नाही सेटवरचा सलमानचा फर्स्ट लूकही समोर आला. या फर्स्ट लूकमध्ये सलमान ‘चुलबुल पांडे’ स्टाईलमध्ये दिसतोय. त्याचा हा लूक चाहत्यांना क्रेजी करणार, यात शंका नाही.
‘भारत’आणि ‘दबंग 3’ हे दोन्ही चित्रपट एकाचवेळी शूट करण्याचा सलमानचा प्लान होता. पण ‘रेस3’ रिलीज झाल्यानंतर सलमानने अचानक आपला प्लान बदलला आणि केवळ ‘भारत’चे शूटींग सुरू केले. असे का? तर सलमान खान एका वेळी केवळ एकाच चित्रपटावर लक्ष देऊ इच्छित होता. त्यामुळे त्याने केवळ ‘भारत’चे शूटींग सुरू केले. या चित्रपटाचे शूटींग संपल्याबरोबर त्याने ‘दबंग 3’चे काम सुुरु केले. प्रभु देवा हा चित्रपट दिग्दर्शित करतोय.