बॉलिवूड अभिनेत्री रवीना टंडन आजी झाली आहे. रवीनाची मुलगी छाया हिने एका गोंडस बाळाला जन्म दिला. रवीनाने या नव्या सदस्याचे जोरदार स्वागत केले. या स्वागताचे फोटो सोशल मीडियावर व्हायरल होत आहेत.रवीनाने स्वत: सोशल मीडियावर ती आजी झाल्याची माहिती शेअर केली केली. परमेश्वराचे खूप खूप आभार, बाळ घरी आले आहे,असे तिने ही बातमी शेअर करताना लिहिले.
या फोटो रवीनाची मुलगी छाया तिच्या बाळासोबत दिसते आहे. तर रवीना हात जोडून देवाचे आभार मानते आहे.
1995 मध्ये रवीनाने छायाला दत्तक घेतले होते. हीच छाया आता आई झाली आणि रवीना आजी. आजी झाल्याने रवीना सध्या जाम खूश आहे. रवीनाने 1995 मध्ये दोन मुली दत्तक घेतल्या होत्या. छाया आणि पूजा ही त्यांची नावे. त्यावेळी पूजाचे वय 11 वर्षे होते तर छाया 8 वर्षांची होती.
22 फेबु्रवारी 2004 रोजी रवीनाने फिल्म डिस्ट्रीब्युटर अनिल थडानीसेबत लग्न केले. या दोघांना 14 वर्षांची मुलगी राशा आणि 11 वर्षांचा मुलगा आहे. सध्या रवीना ‘नच बलिए’ या रिअ‍ॅलिटी डान्स शोमध्ये परिक्षकाची भूमिका साकारते आहे.