रणवीर सिंग सध्या कबीर खान दिग्दर्शित '८३' चित्रपटाचे चित्रीकरण करत आहे. या चित्रपटाचे शूटिंग पूर्ण होण्याआधीच रणवीरने आगामी चित्रपटाची घोषणा केली आहे. या चित्रपटाचे नाव आहे 'जयेशभाई जोरदार'. या चित्रपटात रणवीर सिंग गुजराती तरूणाची भूमिका साकारणार आहे. हा कौटुंबिक कॉमेडी चित्रपट आहे. या चित्रपटाची निर्मिती यशराज फिल्म्स करत आहे.
रणवीर सिंगने जयेशभाई जोरदार या चित्रपटाची घोषणा इंस्टाग्राम अकाउंटवर केली आहे. त्याने हा फोटो सोशल मीडियावर शेअर करत लिहिले की, 'ही एक अद्भूत कथा आहे. माझा आगामी चित्रपट जयेशभाई जोरदारची घोषणा करताना मी खूप उत्साहीत आहे. '
या सिनेमाची घोषणा झाल्यापासून प्रेक्षकांना हा सिनेमा पाहण्याची उत्सुकता लागली आहे.
मात्र हा सिनेमा पाहण्यासाठी प्रेक्षकांना १० एप्रिल, २०२० पर्यंत वाट पाहावी लागणार आहे.