अभिनेता रणवीर सिंग जिथे जाईल तिथे असे काही करतो की, चर्चेत येतो. रणवीर अभिनयाइतकाच त्याच्या अतरंगी फॅशन सेन्ससाठी ओळखला जातो. त्याचे चित्रविचित्र कपडे, त्याची फॅशन सगळेच लक्षवेधी ठरते. अनेकदा यावरून तो ट्रोलही होतो. पण या ट्रोलिंगची पर्वा करेल तो रणवीर कुठला. अलीकडे रणवीर अशा काही चित्रविचित्र कपड्यात दिसला होता की, त्याचा तो अवतार पाहून एक चिमुकली घाबरून चक्क रडू लागली होती. सध्या रणवीर त्याच्या विचित्र अशा रॅम्पवॉकमुळे ट्रोल होतोय.नुकताच रणवीर सिमॉन खंबाटाच्या फॅशन शोमध्ये रॅम्प वॉक करताना दिसला. पण त्याचा तो रॅम्प वॉक पाहून चाहत्यांनी त्यांची जोरदार खिल्ली उडवली.
रणवीर सध्या ‘83’ या चित्रपटात बिझी आहे. या सिनेमात तो माजी क्रिकेटपटू आणि टीम इंडियाचे माजी कर्णधार कपिल देव यांची भूमिका साकारत आहे.