१९७२ साली प्रदर्शित झालेला चित्रपट 'सीता और गीता'मधील कौशल्या चाचीच्या भूमिकेतून अभिनेत्री मनोरमा खूप लोकप्रिय झाल्या होत्या. मनोरमा यांनी त्यांच्या करियरमध्ये जास्तीत जास्त निगेटिव्ह व कॉमेडी भूमिका साकारल्या आहेत. दो कलिया, दो फूल आणि सीता और गीतामधील त्यांच्या भूमिका आजही प्रेक्षकांच्या चांगल्याच लक्षात आहेत.
मनोरमा यांनी दीपा मेहता यांच्या वॉटर या चित्रपटात शेवटचे काम केले होते. मनोरमा यांनी लाहौरमधून बालकलाकार म्हणून आपल्या कारकीर्दीला सुरूवात केली होती. त्यांनी राजा नक्सरसोबत लग्न केले होते. भारताच्या फाळणीनंतर ते दोघे भारतात कायमचे स्थलांतरीत झाले आणि निर्माते बनले.