अभिनेत्री मल्लिका शेरावत (Mallika sherawat) बऱ्याच दिवसांपासून मोठ्या पडद्यापासून दूर असली तरी ती सोशल मीडियावर सक्रिय असते. इथेही ती तिचे ग्लॅमरस फोटो शेअर करत असते. मल्लिका लॉस एंजेलिस, यूएसए येथे शिफ्ट झाली आहे आणि मुंबईत येत जात असते. तिने तिच्या घराचे सुंदर फोटो अनेकवेळा चाहत्यांना दाखवले आहेत. यावेळी मल्लिकाने गोव्यातील एक व्हिडिओ शेअर केला आहे. ज्यात ती स्विमिंग पूलजवळ रिलॅक्स मूडमध्ये आहे आणि चहाचा आनंद घेत आहे.
मल्लिकाने प्रिंटेड बिकनी घातली आहे. ती पूलच्या बाजूला उभी आहे आणि तिची फिगर फ्लॉंट करत आहे. ४५ वर्षीय मल्लिकाला पाहून तिच्या वयाचा अंदाज लावणे कठीण आहे. व्हिडीओसोबत तिने कॅप्शनमध्ये लिहिले आहे - 'जास्मिन ग्रीन टीचा आनंद घेत आहे.'
मल्लिका शेरावतने २००३ साली आलेल्या 'ख्वाहिश' सिनेमातून बॉलिवूड करिअरची सुरुवात केली. पहिल्या सिनेमात मल्लिकाने १७ किसिंग सीन्स दिल्यामुळे ती चर्चेत आली होती. मात्र, 'मर्डर' सिनेमातून मल्लिकाला प्रसिद्धी मिळाली. सिनेमाची गाणी चांगलीच हिट तर ठरलीच, पण इम्रानसोबतच्या मल्लिकाची केमिस्ट्री ही प्रेक्षकांना खूप आवडली होती.