​पाहा, टायगर श्रॉफच्या ‘मुन्ना मायकल’चा ट्रेलर!

टायगर श्रॉफच्या बहुप्रतिक्षीत ‘मुन्ना मायकल’ या चित्रपटाचा ट्रेलर आज अखेर रिलीज झाला. ‘मुन्ना मायकल’ हा बॉलिवूडचा पहिला अ‍ॅक्शन डान्स चित्रपट आहे. या चित्रपटात टायगर श्रॉफ मायकल जॅक्सनला श्रद्धांजली देताना दिसेल. ट्रेलरची सुरुवात मायकलच्या एन्ट्रीने होते. त्याची जबरदस्त अ‍ॅक्शन यात पाहायला मिळते. या चित्रपटात नवाजुद्दीन सिद्दीकी प्रथमच डान्स करताना दिसणार आहे. या चित्रपटात नवाज खलनायक साकारतो आहे. ट्रेलरमध्ये एकाठिकाणी टायगर नवाजला डान्स शिकवत असल्याचे दिसतेय.ट्रेलर बघण्यासाठी याठिकाणी क्लिक करा.सब्बीर खान दिग्दर्शित या चित्रपटात टायगर श्रॉफ हा मायकल जॅक्सनचा खूप मोठा चाहता बनला आहे. ज्याचे लहानपण मुंबईच्या रस्त्यांवर  गेले आहे. या चित्रपटात टायगरसोबत निधी अग्रवाल बॉलिवूड डेब्यू करते आहे. येत्या २१ जुलैला चित्रपटगृहांत येणाºया या चित्रपटाचे दोन पोस्टर आजच रिलीज करण्यात आले. ट्रेलर रिलीज होण्याच्या काही तास आधी रिलीज करण्यात आलेल्या या पोस्टरमध्ये टायगर एकदम हटक्या अवतारात दिसतो आहे. एका पोस्टरमध्ये तो निधी अग्रवालसोबत आहे. दुसºया पोस्टरमध्ये नवाजुद्दीनसोबत. ही पोस्टर्स आणि  ‘मुन्ना मायकल’चा ट्रेलर कसा वाटला, ते आम्हाला सांगायला विसरू नका. कमेंट बॉक्समध्ये तुम्ही तुमच्या प्रतिक्रिया लिहू शकता.‘मुन्ना मायकल’मध्ये टायगर स्ट्रिट डान्सर बनला आहे. लहानपणी रस्त्यांवर नाचून पैसे गोळा करणाºया टायगरला एकदिवस नॅशनल डान्स कॉम्पिटीशनमध्ये भाग घेण्याची संधी मिळते आणि त्याचे नशीब एकदम कलाटणी घेते, अशी ही कथा आहे. ‘मुन्ना मायकल’ हा साबीर खानसोबतचा टायगरला तिसरा चित्रपट आहे. याआधी साबीरच्या ‘हिरोपंती’ आणि ‘बागी’मध्ये टायगर दिसला आहे.