बॉलिवूड अभिनेत्री क्रिती खरबंदा सध्या आगामी चित्रपट हाऊसफुल ४, पागलपंती, चेहरे व तमीळ चित्रपट वानमध्ये बिझी आहे. तिचं म्हणणं आहे की तिला कधी अभिनेत्री बनायचं नव्हतं.
आयएएनएसशी बोलताना क्रिती खरबंदाने सांगितलं की, मला कधी अभिनेत्री बनायचं नव्हतं. मला लग्न करायचं होतं आणि मुलं बाळ असा संसार थाटायचा होता.
क्रितीला शादी में जरूर आना चित्रपटातून लोकप्रियता मिळाली होती. या चित्रपटात तिच्यासोबत राजकुमार राव मुख्य भूमिकेत होता. या चित्रपटाची कथा लव्हस्टोरीवर आधारीत होती. या चित्रपटाला प्रेक्षकांचा खूप चांगला प्रतिसाद मिळाला होता.
क्रितीने दाक्षिणात्य सिनेइंडस्ट्रीत गुगली, सुपर रंगा, ब्रुस लीःद फायटर यासारख्या चित्रपटात काम केलं आहे.