बॉलिवूड अभिनेत्री करिश्मा कपूर एकेकाळी सुंदर, बिनधास्त आणि लोकप्रिय अभिनेत्रींमध्ये गणली जात होती. करिश्मा कपूर तिच्या फिटनेस आणि फिगरसाठीदेखील खूप चर्चेत राहत होती. करीना कपूरपेक्षा सहा वर्षे मोठी असणाऱ्या करिश्मा कपूरने आपल्या अभिनयाची सुरूवात १९९१ साली २१ जून रोजी रिलीज झालेला चित्रपट प्रेम कैदीमधून केली होती.
प्रेम कैदी चित्रपटात काम करताना करिश्मा कपूर १६-१७ वर्षांची होती. करिश्माने पहिल्या चित्रपटाला तीस वर्षे पूर्ण झाल्याच्या निमित्ताने या चित्रपटातील स्विम सूटमधील फोटो शेअर केला आहे. हा फोटो शेअर करत करिश्माने लिहिले की, मूड. प्रेम कैदीचे ३० वर्षे. १७ वर्षांच्या मुलीचा हा आत्मविश्वास. प्रत्येक दिवसासाठी आभारी.
चित्रपटाची निर्मिती डी रामा नायडूने केली होती. जे राणा दुग्गाबातीचे आजोबा होते. या चित्रपटात करिश्मा कपूरसोबत हरीश कुमार मुख्य भूमिकेत होता.