‘राधे: योर मोस्ट वांटेड भाई’ची आतुरतेने वाट पाहणाऱ्या सलमान खान आणि त्याच्या सर्व चाहत्यांसाठी एक आनंदाची बातमी आहे. कोरोना व्हायरसमुळे उद्भवलेल्या परिस्थितीमुळे भारतात हा चित्रपट ओटीटी प्लॅटफॉर्मवर प्रदर्शित करण्यात आला. परदेशात हा चित्रपट चित्रपटगृहांमध्ये प्रदर्शित झाला आहे. या चित्रपटाला पहिल्याच दिवशी ४.२ मिलियन व्ह्यूज मिळाले आहेत.
कोरोनाच्या संकटामुळे थिएटरसाठी बनवलेले चित्रपट डिजिटल प्लॅटफॉर्मवर रिलीज करावे लागत आहे. राधे हा चित्रपट हाइब्रिड पद्धतीने प्रदर्शित केला आणि कोणत्याही चित्रपट निर्मात्याने किंवा मंचाद्वारे न चोखाळण्यात आलेला मार्ग त्यांनी चोखाळला जो आतापर्यंतचा एक व्यवहार्य निर्णय ठरला आहे. या कौटुंबिक मनोरंजक चित्रपटाला मोठ्या प्रमाणावर मिळत असलेल्या प्रतिसादावरून सलमान खानच्या लार्जर दॅन लाईफ स्टारडमला अधोरेखित केले आहे, जे हिंदी चित्रपटसृष्टीत रजनीकांत यांच्या तोडीचे आहे. दिशा पटानीने देखील या चित्रपटात आपली चमक दाखवली असून ती भारताची 'द' ग्लॅम गर्ल बनण्याच्या तयारीत असल्याचे सिद्ध केले आहे.