आपल्या जोडीदारासह अनेकांनी जीवनाची नवी इनिंग सुरू करत नववर्षाची म्हणजेच २०१९ची सुरूवातसुद्धा सनई चौघडेनं केल्याचे पाहायला मिळाले. आगामी काळात अनेक सेलिब्रेटी लग्नबंधनात अडकणार आहेत. आपल्या मधुर आवाजाने रसिकांच्या मनात स्थान मिळवणारी गायिका नीती मोहनसुद्धा लवकरच विवाबंधनात अडकणार आहे. विशेष म्हणजे नीती मोहन ज्याच्या बरोबर सात जन्माच्या आणाभाका घेणार आहे तो बॉलिवूड अभिनेत्री दीपिका पादुकोणचा एक्स बॉयफ्रेंड आहे. निहार पांड्या असे त्याचे नाव आहे.
14 फेब्रुवारी म्हणजेच व्हॅलेंडाईन डेच्या दिवशीच लग्नाच्या प्रि-सेलिब्रेशनला सुरूवात होणार आहे. आणि 15 फेब्रुवारीला हैदराबादच्या ताज फलकनुमा पॅलेस येथे पारंपरिक पद्धतीने हे शुभमंगल पार पडणार आहे. आपल्या जीवनातील हा सुंदर आणि खास सोहळा आयुष्यभर लक्षात राहावा यासाठी नीती मोहनने काही खास प्लॅनिंगही केले आहे. तुर्तास लग्नसोहळ्याला नवदाम्पत्याला शुभेच्छा देण्यासाठी कुटुंबीय, नातेवाईक आणि मित्र मंडळींसह इंडस्ट्रीतील अनेक मान्यवरही उपस्थित राहण्याची शक्यता आहे. रेशीमगाठीत अडकल्यानंतर नीती मोहनही लग्न झालेल्यांच्या क्लबमध्ये सामिल होणार हे मात्र नक्की.