कोरोनाचा फैलाव होऊ नये यासाठी देशाचे पंतप्रधान नरेंद्र मोदी यांनी देशात २१ दिवसांचा लॉकडाऊन घोषित केला आहे. त्यामुळे सामान्य लोकच नव्हे तर अनेक सेलिब्रेटी देखील आपल्या घरातून बाहेर पडत नाहीयेत. अभिनेत्री दीपिका पादुकोणने स्वत:ला सेल्फ क्वारांटाईन केले आहे. सोशल मीडियावर तिने क्वारांटाईन दरम्यानचे फोटो आणि व्हिडीओ देखील शेअर केले होते.
राजस्थान पत्रिकेच्या रिपोर्टनुसार लॉकडाऊन संपल्यावर दीपिका पादुकोण सगळ्यात आधी ती आई-वडिलांच्या घरी जाणार आहे. कारण त्याना भेटण्यासाठी दीपिका आधीपासूनच जाणार होती. त्यानंतर ती दिग्दर्शक शकुन बत्रा यांच्या सिनेमाच्या शूटिंगसाठी दोन महिने बाहेर जाणार आहे. या सिनेमात तिच्यासोबत सिद्धार्थ चतुर्वेदी आणि अनन्या पांडेसुद्धा दिसणार आहे.