कोरोना व्हायरसने जगभरात थैमान घातले असताना सगळेच स्वतःची सुरक्षा कशी करता येईल याकडेच जास्त लक्ष देताना दिसत आहेत. भारतामध्येही या व्हायरसमुळे भीतीचे वातावरण पसरले असताना एक अभिनेत्री कोरोनामुळे जास्त चर्चेत आली आहे. कोरोना आणि डायना पेन्टीचा काय संबध असा प्रश्न तुम्हाला पडलाही असणार मात्र 'कॉकटेल' सिनेमात तिच्या एका गाण्याच्या ओळीने तिला प्रकाशझोतात आणले आहे. ''तुम्ही हो बंधु सखा तुम्ही हो'' या गाण्यातील ओळीली घेऊन तिची थट्टा मस्करी सोशल मीडियावर नेटीझन्स करत असल्याचे पाहायला मिळतंय.
डायना 2011 साली इम्तियाज अली याच्या रॉकस्टार सिनेमातून बॉलिवूडमध्ये डेब्यू करणार होती. मात्र मॉडलिंगच्या कॉन्ट्रॅक्टमुळे तिने या सिनेमासाठी नकार दिला. त्यानंतर रणबीर कपूरच्या अपोझिट या सिनेमात डायनाच्या जागी नरगिस फाखरीला घेण्यात आले.त्यानंतर 2012 मध्ये आलेल्या कॉकटेल सिनेमातून डायनाने डेब्यू केला. इम्तियाज अलीने त्याचे नाव दिग्दर्शक होमी अदजानियाला सुचवले होते. या सिनेमा डायनासोबतदीपिका पादुकोण मुख्य भूमिकेत होती.