3818_article

बॉलिवूडने सौंदर्यतारकांचा नेहमीच सन्मान व स्वागत केले आहे. गेल्या अनेक दशकांपासून सौंदर्यतारकांनी बॉलिवूडमध्ये आपले नाव कमाविले आहे. या तारकांनी बॉलिवूडमध्ये आपले बस्तान बसविले. त्यांच्यामुळेच अनेक चित्रपट हिट झाले आहेत. या अभिनेत्रींनी बॉलिवूडवर अधिराज्य गाजविले आहे. अशा सौंदर्यतारकांची माहिती...35 वर्षीय गुल पनाग अभिनेत्री व व्हाईस ओव्हर अर्टिस्ट आहे. आपल्या अप्रतिम हास्यमुद्रेसाठी प्रसिद्ध ठरलेल्या गुलने 1999 साली मिस इंडियाचा खिताब मिळविल्यावर याच सालच्या 48व्या मिस युनिव्हर्स स्पर्धेत भारताचे प्रतिनिधित्व केले होते. ती या स्पर्धेत सहाव्या स्थानी होती. 2003 साली तिने धूप या चित्रपटातून बॉलिवूडमध्ये पर्दापन केले. डोर या चित्रपटातील अभिनयासाठी तिची प्रसंशा झाली. 2007 साली झी सिने क्रिटीक्स अवार्ड मिळविला. आता ती राजकारण व समाजकारणात सक्रिय आहे.33 वर्षीय सेलिने जेटली हिने 2001 साली फेमिना मिस इंडियाची विजेती ठरली. तिने 50व्या मिस युनिव्हर्स स्पर्धेत ती 5 व्या स्थानी होती. 2003 साली फरदीन खान याच्यासोबत जानशीन या चित्रपटातून तिने बॉलिवूडमध्ये पाऊल ठेवले. बॉलिवूडमधील अनेक चित्रपटातून तिने काम केले. ती एलजीबीटी या कम्युनिटीची सपोर्टर आहे. याशिवाय पेटा या संस्थेसाठी काम करते. मुंबई येथील एका आय के अर हॉस्पिटलला सेलिनाने आपले डोळे दान केले आहेत.34 वर्षीय नेहाने 2002 साली फेमिना मिस इंडिया युनिव्हर्स किताब मिळविला. मिस युनिव्हर्स स्पर्धेत ती 9 व्या स्थानी होती. 2003 साली कयामत चित्रपटातून तिने सुरुवात केली. ज्युली, रक्त, शीशा, क्या कुल है हम, गरम मसाला, फाईट क्लब, तिसरी आँख, चुप चुप के, देल्ही हाईटस् अशा चित्रपटातून तिने काम केले. नेहा आपल्या बोल्ड अंदाज व तेवढ्याच तिखट प्रतिक्रियांसाठी प्रसिद्ध आहे.32 वर्षीय मॉडेल, अभिनेत्री आणि निर्माती दिया मिर्झाने 2000 साली मिस इंडिया स्पर्धेत भाग घेऊन तिसरा क्रमांक पटकावला. मिस एशिया पॅसिफिक इंटरनॅशनल पुरस्कार पटकावत तिसरी भारतीय होण्याचा मान मिळविला. 2001 साली रहना है तेरा दिल में या चित्रपटापासून सुरुवात केली. दीवानापन, तुमको ना भुल पाऐंगे, तुमसा नही देखा, परिणीता, अलग, शूटआऊट अ‍ॅट लोखंडवाला, कुर्बान असे चित्रपट केले. झी सिने, बॉलीवूड मुव्ही असे अनेक पुरस्कार मिळविले.42 वर्षीय मॉडेल आणि अभिनेत्री नम्रता शिरोडकरने 1993 साली मिस इंडिया किताब पटकावला. मिस युनिव्हर्समध्ये ती सहावी आली. मिस एशिया पॅसिफिकमध्ये दुसरी आली. पुरब की लैला पश्चिम का छैला चित्रपटातून तिने कारकीर्दीस सुरुवात केली. 1998 साली जब प्यार किसीसे होता है, हिरो हिंदुस्थानी, वास्तव, पुकार, हत्यार, दिल विल प्यार व्यार, एलओसी कारगिल, ब्राईड अँड प्रिज्युडिस असे चित्रपट केले.39 वर्षीय भारतीय मॉडेल आणि अभिनेत्री सुश्मिता सेनने 1994 साली ऐश्वर्या रॉयला मागे टाकत मिस इंडिया किताब मिळविला. 1994 साली मिस युनिव्हर्स मिळविण्याचा मान मिळविणारी ती पहिली भारतीय होती. 1996 साली दस्तक चित्रपटातून तिने सुरुवात केली. जोर, सिर्फ तुम, बिवी नं. 1, बस इतना सा ख्वॉब है, आँखे, फिलहाल, समर, वास्तू शास्त्र, मैं हु ना, पैसा वसूल, चिंगारी, मैने प्यार क्यू किया असे चित्रपट केले. फिल्मफेअर, स्टार स्क्रीन, आयफा, झी सिने अ‍ॅवॉर्डस् असे पुरस्कार मिळविले आहेत.63 वर्षीय जीनत अमान 1970 साली झालेल्या मिस इंडिया स्पर्धेतील उपविजेत्या होत्या. 1970 सालचा मिस एशिया पॅसिफिकचा पुरस्कार मिळविला. फिल्मफेअर पुरस्कार, बीएफजेए, झी सिने आणि आयफा पुरस्कार मिळविले आहेत. 1970 साली हलचल चित्रपटातून बॉलीवूडमध्ये पदार्पण केले. हंगामा, हरे रामा हरे कृष्णा, यादों की बारात, धुंद, रोटी कपडा और मकान, चोरी मेरा काम, बालिका वधू, हम किसीसे कम नही, हिरालाल पन्नालाल, शालीमार, द ग्रेट गॅम्बलर, डॉन, कुर्बानी चित्रपटात त्यांनी काम केले आहे.47 वर्षीय जुही चावला ही अभिनेत्री, निर्माती आणि टीव्ही संचालिका आहे. 1984 साली तिने मिस इंडियाचा किताब पटकावला. 1986 साली सल्तनतपासून तिने चित्रपटात पाऊल ठेवले. कयामत से कयामत तक, बोल राधा बोल, राजू बन गया जंटलमन, हम है राही प्यार के, डर, कभी हां कभी ना, यस बॉस, इश्क, दरार, मिस्टर अँड मिस खिलाडी, दिवाना मस्ताना, डुप्लीकेट, फिर भी दिल है हिंदुस्तानी असे अनेक चित्रपट केले. तिने 2 फिल्मफेअर 2 स्टार स्क्रीन असे अनेक पुरस्कार मिळविले आहेत.32 वर्षीय प्रियंका ही अभिनेत्री आणि गायिका व व्हाईस ओव्हर आहे. 2000 साली मिस इंडिया स्पर्धेत ती उपविजेती होती. याच वर्षी तिने ‘मिस वर्ल्ड’ पुरस्कार मिळविला. 2003 साली ‘द हिरो: लव्ह स्टोरी आॅफ अ स्पाय’ या चित्रपटातून पदार्पण केले. अंदाज, मुझसे शादी करोगी, ऐतराज, करम, वक्त: र रेस अगेन्स्ट टाईम, ब्लफमास्टर, टॅक्सी नं. 9211, क्रीश, डॉन, सलाम-ए-ईश्क, द्रोणा, फॅशन, कमिने, अग्नीपथ, बर्फी, बाजीराव मस्तानी असे अनेक चित्रपट केले. तिने 77 पुरस्कार मिळविले आहेत.41 वर्षीय ऐश्वर्या रॉयने 1994 साली मिस इंडिया स्पर्धेत द्वितीय क्रमांक मिळविला. याच वर्षीच्या मिस वर्ल्डसाठी तिची निवड झाली. 86 जणींना मागे टाकत ऐश्वर्याने मिस वर्ल्डचा किताब मिळविला. 1997 साली ‘और प्यार हो गया’ या चित्रपटातून तिने बॉलिवूडमध्ये पदार्पण केले. जीन्स, हम दिल दे चुके सनम, ताल, मोहब्बतें, ब्राईड अँड प्रिज्युडिस, धूम-2, गुरू, प्रोव्होक्ड, जोधा अकबर, गुजारिश सारखे हिट चित्रपट दिले. तिने 112 अ‍ॅवॉर्डस् मिळविले आहेत. यात 3 फिल्मफेअर, 7 आयफा, 7 स्क्रीन, 6 झी सिने, 2 स्टारडस्ट यांचा समावेश आहे.