‘स्टुडंट ऑफ द इअर 2’मधून बॉलिवूड डेब्यू करणारी अनन्या पांडे सध्या ‘पती पत्नी और वो’ या आपल्या दुस-या चित्रपटाच्या प्रमोशनमध्ये बिझी आहे. येत्या 6 डिसेंबरला हा चित्रपट प्रेक्षकांच्या भेटीस येणार आहे. याच चित्रपटाच्या प्रमोशनसाठी अनन्या लवकरच ‘कपिल शर्मा शो’मध्ये दिसणार आहे. नुकतेच या एपिसोडचे शूटींग पूर्ण झाले. यावेळी अनन्याने पर्सनल लाईफबद्दल अनेक खुलासे केलेत. विशेषत: डॅड चंकी पांडेबद्दल तिने अनेक शॉकिंग गोष्टी सांगितल्या.
शोदरम्यान कपिलने अनन्याला तिच्याबद्दलच्या काही अफवा ऐकवल्या. अर्धे तिकिट लागावे म्हणून तुझे वडिल तुझे वय खोटे सांगायचे, अशी एक अफवा आहे, ही खरी आहे का? असा प्रश्न कपिलपे अनन्याला केला. यावर, ही अफवा खरी आहे, असे अनन्या म्हणाली. आम्ही डिज्नीलँड व अशा काही ठिकाणी जायचो तेव्हा अनेकदा ते माझे वय खोटे सांगून हाफ तिकिट खरेदी करायचे आणि पैसे वाचवायचे, असे अनन्या म्हणाली.