Indian Share Market : अमेरिकेचे अध्यक्ष डोनाल्ड ट्रम्प यांनी भारतावर टॅरिफ (आयात शुल्क) लावण्याच्या घोषणेमुळे भारतीय शेअर बाजारात मोठा भूकंप आला आहे. गेल्या आठवड्यात झालेल्या या घसरणीमुळे देशातील टॉप १० कंपन्यांपैकी ७ कंपन्यांना मोठा तोटा सहन करावा लागला आहे. या सात कंपन्यांचे एकूण बाजार भांडवल १.३५ लाख कोटींनी कमी झाले आहे. या घसरणीचा सर्वाधिक फटका दिवंगत उद्योगपती रतन टाटा यांच्या टाटा कन्सल्टन्सी सर्व्हिसेस (TCS) या कंपनीला बसला आहे. गेल्या आठवड्यात, बीएसई सेन्सेक्स १.०५% नी घसरला, तर निफ्टी ०.८३% नी खाली आला.
या कंपन्यांना झाला सर्वाधिक तोटाया घसरणीचा फटका बसलेल्या प्रमुख कंपन्या आणि त्यांच्या मार्केट कॅपमधील घट.
- टाटा कन्सल्टन्सी सर्व्हिसेस : ४७,४८७.४ कोटींचा तोटा.
- भारती एअरटेल : २९,९३६.०६ कोटींचा तोटा.
- बजाज फायनान्स : २२,८०६.४४ कोटींचा तोटा.
- इन्फोसिस : १८,६९४.२३ कोटींचा तोटा.
- स्टेट बँक ऑफ इंडिया : ११,५८४.४३ कोटींचा तोटा.
- आयसीआयसीआय बँक : ३,६०८ कोटींचा तोटा.
- भारतीय जीवन विमा महामंडळ : १,२३३.३७ कोटींचा तोटा.
काही कंपन्यांना मात्र फायदाबाजार कोसळला असतानाही, काही कंपन्यांच्या मार्केट कॅपमध्ये वाढ झाली.
- हिंदुस्तान युनिलिव्हर (HUL): ३२,०१३.१८ कोटींनी वाढ.
- एचडीएफसी बँक : ५,९४६.६७ कोटींनी वाढ.
- रिलायन्स इंडस्ट्रीज : २,०२९.८७ कोटींनी वाढ.
या वाढीमुळे, रिलायन्स इंडस्ट्रीज अजूनही बाजार मूल्याच्या बाबतीत देशातील सर्वात मौल्यवान कंपनी राहिली आहे.
घसरणीची प्रमुख कारणे
- ट्रम्प यांच्या टॅरिफ घोषणेव्यतिरिक्त, या घसरणीमागे इतर काही प्रमुख कारणे आहेत.
- जागतिक बाजारातील कमकुवत संकेत: अमेरिका आणि आशियातील इतर बाजारांमध्येही घसरण झाल्यामुळे भारतीय बाजारावर दबाव वाढला.
- परदेशी गुंतवणूकदारांची विक्री: परदेशी गुंतवणूकदारांनी सतत भारतीय शेअर विकल्यामुळे बाजारात मंदीचे वातावरण तयार झाले.
- फार्मा क्षेत्राला धक्का: ट्रम्प यांनी औषध कंपन्यांना अमेरिकेतील किमती कमी करण्यास सांगितल्याने सन फार्मा, डॉ. रेड्डीज लॅब आणि सिप्ला यांसारख्या फार्मा कंपन्यांचे शेअर्स ५% पर्यंत घसरले.
वाचा - फक्त २ लाख गुंतवा आणि मिळवा १५ लाखांचा परतावा! आजच गुंतवणूक करण्यासाठी 'हे' सूत्र लागू करा
या सर्व कारणांमुळे गेल्या आठवड्यात भारतीय शेअर बाजार मोठ्या दबावाखाली राहिला आणि अनेक कंपन्यांना तोटा सहन करावा लागला.