Wife सोबत मिळून पोस्टात उघडा खातं, सरकारच्या गॅरेंटीसह दर महिन्याला होणार ₹९२५० ची बंपर कमाई

Post Office Saving Schemes: पोस्ट ऑफिस आपल्या ग्राहकांना विविध प्रकारच्या बँकिंग सेवा पुरवते. पाहूया कोणती आहे ही स्कीम जी तुम्हाला करू शकते मालामाल.

Post Office Saving Schemes: पोस्ट ऑफिस आपल्या ग्राहकांना विविध प्रकारच्या बँकिंग सेवा पुरवते. या सेवांतर्गत सामान्य बचत खात्यांसोबतच आरडी, टीडी, एमआयएस, पीपीएफ, किसान विकास पत्र यांसारखी अनेक खाती उघडली जातात. पोस्ट ऑफिसच्या एमआयएस म्हणजेच 'मंथली इन्कम स्कीम'द्वारे तुम्ही तुमच्या पत्नीसोबत किंवा कुटुंबातील कोणत्याही सदस्यासोबत संयुक्त खातं उघडून दरमहा निश्चित कमाई करू शकता. ही योजना अशा लोकांसाठी उत्तम आहे ज्यांना सुरक्षित गुंतवणुकीसह नियमित उत्पन्नाची गरज आहे.

एमआयएस खात्यावरील व्याजदर आणि गुंतवणूक

पोस्ट ऑफिसच्या मंथली इन्कम स्कीमवर सध्या वार्षिक ७.४ टक्के व्याज दिलं जात आहे. या योजनेचं वैशिष्ट्य म्हणजे तुम्हाला यामध्ये फक्त एकदाच पैसे जमा करावे लागतात, ज्यानंतर पुढील ५ वर्षांपर्यंत दरमहा ठराविक व्याज मिळत राहतं. जर तुम्ही तुमच्या पत्नीसोबत किंवा कुटुंबातील इतर सदस्यासोबत मिळून हे खातं उघडले, तर तुम्हाला दरमहा जास्तीत जास्त ९,२५० रुपयांपर्यंत निश्चित व्याज मिळू शकतं. पोस्ट ऑफिसच्या सर्व बचत योजना थेट केंद्र सरकारद्वारे नियंत्रित केल्या जातात, त्यामुळे या योजनांवर सरकारी हमीसह परतावा मिळतो.

सोन्या-चांदीच्या किमतीत मोठी घसरण, पाहा काय आहेत आजचे नवे दर?

संयुक्त खात्याद्वारे दरमहा ९,२५० रुपयांची कमाई

एमआयएस योजनेत तुम्ही किमान १,००० रुपयांच्या गुंतवणुकीसह खातं उघडू शकता. या योजनेअंतर्गत सिंगल आणि जॉईंट अशी दोन्ही प्रकारची खाती उघडण्याची सुविधा आहे. वैयक्तिक खात्यात जास्तीत जास्त ९ लाख रुपये जमा करता येतात, तर संयुक्त खात्यात ही मर्यादा १५ लाख रुपयांपर्यंत आहे. एका संयुक्त खात्यात जास्तीत जास्त ३ व्यक्तींची नावं नोंदवता येतात. जर तुम्ही तुमच्या पत्नीसोबत मिळून या योजनेत १५ लाख रुपयांची गुंतवणूक केली, तर तुम्हाला दरमहा ९,२५० रुपये निश्चित व्याज म्हणून मिळतील.

बचत खातं असणं आवश्यक

या योजनेअंतर्गत मिळणारे व्याजाचे पैसे थेट तुमच्या बँक खात्यात जमा केले जातात. ५ वर्षांचा कालावधी पूर्ण झाल्यानंतर म्हणजेच मॅच्युरिटीनंतर, तुमची मूळ गुंतवणुकीची रक्कम देखील तुमच्या खात्यात परत केली जाते. विशेष म्हणजे, पोस्ट ऑफिसमध्ये एमआयएस खातं उघडण्यासाठी तुमच्याकडे पोस्ट ऑफिसचंच बचत खातं असणं अनिवार्य आहे.