उत्तर भारताकडून येणाऱ्या अतिथंड वाऱ्यांमुळे धुळे शहर आणि जिल्ह्याला थंडीने चांगलेच कवेत घेतले आहे. गेल्या दोन-तीन दिवसांपासून ९ अंशांवर स्थिरावलेले किमान तापमान बुधवारी (७ जानेवारी) ८ अंशांपर्यंत खाली घसरल्याची नोंद शासकीय कृषी महाविद्यालयाच्या वेधशाळेत घेण्यात आली आहे. त्यामुळे शहरात सर्वत्र हुडहुडी भरली आहे.
सलग काही दिवसांपासून तापमानाचा पारा १० अंशांच्या खाली असल्याने संपूर्ण जिल्हा गारठला आहे. बुधवारी पारा ८ अंश सेल्सिअसपर्यंत खाली आला. गेल्या दोन-तीन दिवसांपासून हा पारा ९ अंशांवर स्थिरावला होता. अवघ्या सहा दिवसांत झालेली ही ४ अंशांची घट थंडीची तीव्रता वाढवण्यास कारणीभूत ठरली आहे.
पुढील तीन दिवस लाट
• हवामान तज्ज्ञांच्या अंदाजानुसार, ही थंडीची लाट पुढील तीन दिवस म्हणजेच ९ जानेवारीपर्यंत कायम राहण्याची शक्यता आहे.
• सायंकाळनंतर गारठा वाढत असल्याने बाजारपेठांमध्येही शुकशुकाट पाहायला मिळत आहे.
• कडाक्याच्या थंडीमुळे नागरिकांनी आरोग्याची काळजी घ्यावी, असे आवाहन प्रशासनाने केले आहे.
• सकाळी ९ वाजेपर्यंत वातावरणात प्रचंड थंडी जाणवत असल्याने नागरिक घराबाहेर पडणे टाळत आहेत.
• थंडीमुळे सायंकाळनंतर गारठा अधिक वाढत आहे, परिणामी बाजारपेठांमध्ये नेहमीची वर्दळ कमी होऊन शुकशुकाट पाहायला मिळत आहे.
• थंडीमुळे आरोग्याच्या तक्रारी उद्भवू शकतात, त्यामुळे नागरिकांनी, विशेषतः वृद्ध आणि बालकांनी आरोग्याची विशेष काळजी घ्यावी, असे आवाहन प्रशासनाने केले आहे.