Samaik Satbara : सामाईक सातबारा म्हणजे एकाच सातबारा उताऱ्यावर अनेक मालकांची नावे असलेली जमीन. म्हणजे ती जमीन मिळकतीच्या वाटपाशिवाय सामायिक स्वरूपात सर्व मालकांची मिळकत असते.
वेगळा सातबारा उतारा का हवा असतो, तर स्वतःच्या हिस्स्याची स्पष्ट नोंद ठेवण्यासाठी, कर्ज घेण्यासाठी, विक्रीसाठी, कायदेशीर हक्क सिद्ध करण्यासाठी. आता सामाईक सातबारामधून वेगळा सातबारा करण्याची प्रक्रिया काय असते ते समजून घेऊयात....
हिस्सा वाटप (विभागणी) करणे आवश्यक
तुमच्या हिस्स्याची मोजणी करून ती जमीन प्रत्यक्षात कोणत्या बाजूस आहे, याचे निश्चित करणे आवश्यक आहे.
विभागणीचा अर्ज करणे तलाठी कार्यालयात विभागणीसाठी अर्ज करावा लागतो.
या अर्जात खालील कागदपत्रे लागतात :
अर्जदाराचा आधार कार्ड आणि फोटो. मूळ सातबारा उतारा.
जमिनीचा नकाशा (शेजारील सीमा स्पष्ट असलेला).
इतर मालकांची सहमती (जर असेल तर प्रक्रिया सोपी होते).
हिस्स्याच्या मोजणीसाठी मंडळ अधिकारी/तलाठी यांच्या समक्ष प्रत्यक्ष पाहणीची मागणी.
मोजणी (मिनिट) करून घ्या तलाठी आणि मोजणी विभाग आपल्याला जमिनीचा प्रत्यक्ष भाग दाखवतो, आणि मोजणी करतो.
या आधारे विभागणीचा अहवाल तयार होतो.
तलाठी अहवाल तहसीलदारांकडे सादर करतो
तहसीलदार विभागणीचा निर्णय घेतो आणि आवश्यक असल्यास वाद असल्यास नोटीस देतो.
सातबारावर स्वतंत्र नोंद तुमच्या नावावर स्वतंत्र गट क्रमांकासह (सुबिभाग गट नंबर) स्वतंत्र सातबारा उतारा तयार होतो.
प्रक्रिया कुठे होते ?
तलाठी कार्यालय, मंडळ अधिकारी (Circle Officer), तहसील कार्यालय, जिल्हा भूमापन कार्यालय.
प्रक्रियेशी संबंधित काही महत्त्वाचे नियम आणि कायदे
महाराष्ट्र जमीन महसूल संहिता, 1966 अंतर्गत विभागणी करता येते.
मिनिट बुक व पंचनामा तलाठी तयार करतो आणि त्यावर सर्व संबंधितांची सही घेतली जाते.
संबंधित शेजाऱ्यांची माहिती सुद्धा पंचनाम्यात घेतली जाते.
मालमत्तेची वाटणी करताना कधी अडथळे येतात ?
- सहमती नसणे - सर्व मालक सहमत नसतील - तहसीलदाराकडे दावा करावा.
- जमिनीवर वाद असणे - कोर्टात प्रलंबित असलेली केस - कोर्ट निकालानंतर प्रक्रिया.
- प्रत्यक्ष क्षेत्र मोजता न येणे - जमिनीवर अतिक्रमण किंवा अडचण - भूमापन विभागातून मोजणी करावी.
अधिक माहितीसाठी आपल्या कावळच्या तलाठी कार्यालय, तहसील कार्यालय किंवा भूमी अभिलेख कार्यालयात जाऊन माहिती घ्यावी.