Krushi Salla : मराठवाड्यातील शेतकऱ्यांसाठी महत्त्वाचा कृषी सल्ला वाचा सविस्तर

Krushi Salla : मराठवाड्यातील शेतकऱ्यांसाठी महत्त्वाचा कृषी सल्ला वाचा सविस्तर

Krushi Salla :  मराठवाड्यात पुढील पाच दिवस हवामान पूर्णपणे कोरडे राहणार असून किमान तापमानात २ ते ३ अंशांनी वाढ होण्याची शक्यता आहे.

कमाल तापमानात फारसा बदल अपेक्षित नाही. या बदलत्या वातावरणामुळे पिके, फळबागा आणि भाजीपाल्यासाठी योग्य व्यवस्थापन महत्त्वाचे ठरणार आहे.

हवामान स्थिती

पुढील ५ दिवस हवामान कोरडे राहणार.

किमान तापमानात २–३°C वाढ होण्याची शक्यता.

पावसाची शक्यता नाही, त्यामुळे पाण्याचे नियोजन महत्त्वाचे ठरेल.

कापूस वेचणीसाठी सल्ला

वेचणी लवकरात लवकर पूर्ण करावी.

वेचलेला कापूस सूर्यप्रकाशात चांगला वाळवूनच विक्रीसाठी आणावा, अन्यथा प्रत प्रभावित होते.

कापसाच्या रासांवर प्लास्टिक/ताडपत्रीचे आच्छादन ठेवावे.

पुढील काही दिवस हवा कोरडी असल्याने कापूस ओलावा मुक्त राहील, त्यामुळे वेचणीसाठी योग्य कालावधी.

तूर पिकावर शेंगा पोखरणाऱ्या अळीचा प्रादुर्भाव दिसल्यास खालील उपाय करा

* ५% निंबोळी अर्क फवारणी* किंवा क्विनॉलफॉस २५ % – २० मिली / १० लिटर पाणी* किंवा इमामेक्टीन बेन्झोएट ५% – ४.५ ग्रॅम / १० लिटर

फुलोरा आणि शेंगा धरण्याच्या अवस्थेत पाण्याचा हलका पाट द्यावा.

पिकात पाण्याचा ताण बसू देऊ नये.

हरभरा

पिकाची वाढ जोमात ठेवण्यासाठी शेत तणमुक्त ठेवणे आवश्यक.

पेरणीनंतर २०–२५ दिवसांनी पहिली कोळपणी करावी.

मावा व इतर किडींसाठी निरीक्षण वाढवावे.

करडई

माव्याचा प्रादुर्भाव दिसल्यास डायमिथोएट ३०% – १३ मिलीकिंवा असिफेट ७५% – १० ग्रॅम / १० लिटर पाणीतण नियंत्रणासाठी २५–५० दिवसांच्या आत १–२ कोळपण्या/खूरपण्या कराव्यात.

संत्रा / मोसंबी 

फळवाढीसाठी ००:००:५० – १५ ग्रॅम/ ली

जिब्रेलिक अ‍ॅसिड – १ ग्रॅम/ १०० ली

बागेमध्ये अंतर मशागत व तण नियंत्रण करावे.

आर्द्रता टिकून राहण्यासाठी हलके पाणी द्यावे.

डाळिंब 

फळवाढीसाठी ००:००: ५० – १५ ग्रॅम/ली फवारणी.

फळांवर करपा/डाग दिसल्यास योग्य  फवारणी करा.

बागेत तण नियंत्रण अनिवार्य.

भाजीपाला पिके

नवीन लागवडीस खत व्यवस्थापन करावे.

कोरड्या हवेमुळे भाजीपाला लवकर वाढतो, म्हणून पाटाने वेळेवर पाणी द्यावे.

काढणीस तयार पिकाची लगेच काढणी करावी.

फुलशेती

गादीवाफ्यावर बी टाकून रोपे तयार करावी (आष्टुर, जिलार्डिया).

गुलाब: कळी अर्धवट उमलल्यावर काढणी.

झेंडू/आष्टुर: पूर्ण उमलल्यानंतर काढणी.

पशूंचे थंडीपासून संरक्षण करा

शेळ्या, मेंढ्या, गाई, म्हशी यांना पहाटेच्या थंड वाऱ्यापासून संरक्षण द्यावे.

शेडला बारदाण्याचे पडदे लावावेत.

कोंबड्यांच्या शेडमध्ये इलेक्ट्रिक बल्ब लावल्यास उब मिळते.

पहाटे जनावरे बाहेर न बांधता आतच ठेवावीत.

(सौजन्‍य: मुख्य प्रकल्प समन्वयक, ग्रामीण कृषी मौसम सेवा,वसंतराव नाईक मराठवाडा कृषी विद्यापीठ, परभणी)

हे ही वाचा सविस्तर  : Rajgira Tea : राजगिरा चहा : पचन, हाडे आणि रोगप्रतिकारशक्तीसाठी सुपर पेय वाचा सविस्तर