Mung Udid Variety : आपल्याकडे खरीप, रब्बी व उन्हाळी हंगामात (Kharif Season) कडधान्य पिके घेतली जातात. खरीप हंगामात तूर, मूग, उडीद, कुळीद, मटकी, राजमा, वाटाणा व चवळी ही पीके घेतली जातात.
महाराष्ट्र हे कडधान्य उत्पादनातील एक अग्रगण्य राज्य आहे. या मध्ये तूर, मूग व उडीद ही महत्वाची पिके आहेत. आजच्या भागातून मूग आणि उडीद लागवडीसाठी (Udid Lagvad) कुठले वाण आहेत, हे समजून घेऊया....
महात्मा फुले कृषी विद्यापीठाने प्रसारित केलेले
- मुगाचे वाण : फुले चेतक आणि फुले सुवर्ण
- उडीदाचे वाण : फुले वसू आणि फुले राजन
डॉ. पंजाबराव देशमुख कृषी विद्यापीठाने प्रसारित केलेले
- मुगाचे वाण : पी के व्ही ए के एम 04, पीकेव्ही ग्रीन गोल्ड
- उडदाचे वाण : पीडीकेव्ही ब्लॅक गोल्ड, टी यु - 1
डॉ. वसंतराव नाईक मराठवाडा कृषी विद्यापीठाने प्रसारित केलेले
- मुगाचे वाण : बी एम 2003 - 2
तसेच इतर विद्यापीठाने प्रसारित केलेले
- मुगाचे वाण : उत्कर्ष पीएमडी - 10
- उडदाचे वाण नर्मदा (आयपीव्ही - 19 - 10)
तुम्ही तुमच्या स्थानिक कृषी विद्यापीठाशी किंवा कृषी अधिकाऱ्यांशी संपर्क साधून तुमच्या परिसरासाठी आणि परिस्थितीसाठी योग्य वाणाची निवड करू शकता.
- डॉ. सुरेश दोडके, डॉ. अरविंद तोत्रे, डॉ. अमोल लांघी, कडधान्य सुधार प्रकल्प, महात्मा फुले कृषी विद्यापीठ, राहुरी