राज्यात हळद व आले पिकाची लागवड सुरु झाली आहे. हळद लागवड १५ मे ते जूनच्या पहिल्या आठवड्यात केल्यास उत्पादन चांगले मिळते. चांगले उत्पादन मिळण्यासाठी लागवडीचे नियोजन योग्यप्रकारे करणे आवश्यक आहे.
हळद लागवड नियोजन◼️ खात्रीशीर पाण्याची उपलब्धता असल्यास आले लागवड जुनच्या पहिल्या आठवड्यापर्यंत करावी.◼️ लागवडीसाठी वरदा, रिजाथा, माहिम, महिमा यासुधारीत जातींची निवड करावी.◼️ कंद ४ ते ५ सें.मी. खोल लावावेत. कंद पुर्ण झाकले जातील याची दक्षता घ्यावी.◼️ आल्याला मध्यम प्रकारची सुर्यप्रकाशाची आवश्यकता असते.◼️ जमिनीच्या उताराप्रमाणे लागणीची पध्दत निश्चित करुन जमिनीवर उताराच्या दिशेने बेड उठवून घ्यावेत.◼️ बेड एकसारखे सपाट होतील याची काळजी घ्यावी.◼️ बेड तयार करताना ट्रॅक्टरच्या फनपाळ्याचे सरळ बेड तयार करावे.◼️ लागणीचे वेळी आढीत ठेवलेले बियाणे बाहेर काढून त्याचे एकसारखे तुकडे करुन (मोड) घ्यावेत.◼️ आल्याचा तुकडा ज्या दिवशी जमिनीत पुरला जाईल त्याच दिवशी त्या जमिनीस भरपूर पाणी मिळालेच पाहिजे.◼️ पाणी जमिनीस एवढे द्यावे किमान लावलेल्या तुकड्याच्या खाली चार ते पाच इंच संपूर्ण ओल गेलेली असावी.◼️ अन्यथा दुसऱ्या दिवशी पुन्हा तेवढेच पाणी द्यावे. व त्यानंतरच्या पाण्याच्या पाळ्या जमिनीच्या प्रतवारीनुसार एक दिवसा आड एक दिवस किंवा दोन आड एक दिवस अशी ओल कायमस्वरुपी राखून ठेवली जाईल एवढेच पाणी द्यावे.◼️ लागणीपासून आठ दिवसांनी हलकी भर टाकावी, कारण लागणी वेळी लांब तुकड्याची टोके जमिनीच्या पृष्ठभागाबरोबर असतात. त्यास उष्णतेची झळ लागू नये किंवा उघडे असणारे डोळे खराब होऊ नयेत म्हणून या भरीची आवश्यकता आहे.◼️ लागवड केल्यानंतर जमिनीचे तापमान सिंचन देऊन नियंत्रित करणे गरजेचे आहे.◼️ जमिनीचे तापमान बाहेरील वातावरणाच्या तुलनेत जास्त असते.◼️ दुसरी महत्वाची गोष्ट म्हणजे बेण्यातील ओलावा टिकवुन ठेवणे आवश्यक आहे.◼️ बेण्यातील ओलावा कमी झाल्यास उगवण शक्ती व येणाऱ्या फुटव्यावर परिणाम होतो.
हळद लागवड नियोजन◼️ खात्रीशीर पाण्याची उपलब्धता असल्यास जूनच्या पहिल्या आठवड्यापर्यंत हळद लागवड पूर्ण करावी.◼️ लागवडीसाठी फुले स्वरूप, सेलेम, कृष्णा, राजापुरी आणि टेकुरपेटा वाण वापरावेत.◼️ लागवडीसाठी २५ ते ३० क्विंटल गड्डे बियाणे प्रती हेक्टरी या प्रमाणात वापरावे.◼️ आंतरपिके : हळद-घेवडा, हळद-मेथी, हळद-मिरची इ.◼️ खते : लागवडीपूर्वी प्रती हेक्टरी २५ ते ४० टन चांगले कुजलेले शेणखत मिसळून टाकावे. तसेच १०० किलो स्फुरद व १०० किलो पालाश द्यावे.
सेंद्रिय हळद नियोजन१) जैविक बीज प्रक्रियाहेक्टरी ५०० लिटर पाण्यात व्हॅम १२.५ किलो + पी.एस.बी. ५ किलो + अॅझोस्पिरीलीयम ५ किलो मिसळून द्रावणात १५ मिनिटे कंद बुडवावेत. २) खतांची मात्राशेणखत १५ ते २० टन/हे. निंबोळी पेंड ४ टन/हे. गांडूळ खत २ टन/हे द्यावे.
अधिक वाचा: हळद पिकात कंदमाशी कशी नुकसान करते? नियंत्रणासाठी करा हे चार सोपे उपाय