Tur Market : नोव्हेंबर २०२४ पासून तुरीच्या किंमती (Tur bajar) कमी होत आहेत. गतवर्षीच्या दरापेक्षा चालू वर्षी तुरीचे भाव कमी आहेत. सध्याच्या हंगामासाठी सरकारने खरीप २०२४-२५ साठी जाहीर केलेल्या किमान आधारभूत किंमतीपेक्षा (७५५० रुपये प्रति क्विंटल) सध्याच्या तुरीच्या किंमती कमी आहेत.
मागील तीन वर्षातील लातूर बाजारपेठेतील (Latur Tur Market) तुरीच्या जुलै मधील सरासरी किंमती पुढील प्रमाणे ऑगस्ट २०२२ मध्ये ७ हजार ६८२ क्विंटल, ऑगस्ट २०२३ मध्ये १० हजार १९४ रुपये प्रति क्विंटल, ऑगस्ट २०२४ मध्ये १० हजार ३३८ रुपये क्विंटल, तर यंदाच्या ऑगस्ट २०२५ मध्ये ६ हजार ३०० ते ६ हजार ७५० प्रति क्विंटल राहण्याची शक्यता आहे.
सदर संभाव्य किंमतीचा अंदाज हा FAQ ग्रेड च्या तुरीसाठी आहे. मागील वर्ष २०२३-२४ च्या तुलनेत २०२४-२५ मध्ये आयाती मध्ये वाढ झालेली असून निर्यात कमी झालेली आहे. जे मागील वर्षीच्या तुलनेत जास्त असल्याचे दिसून येत आहे. तसेच महाराष्ट्रातील २०२३-२४ मधील उत्पादन १०.१० लाख टनांवरून सन २०२४-२५ मध्ये १३.६ लाख टनांपर्यंत जाण्याची शक्यता आहे.
माहे डिसेंबर ते एप्रिल हा तुरीचा प्रमुख विक्री हंगाम असतो. चालू वर्ष जून (२१ जुलै २०२५) मधील तुरीची आवक मागील वर्षाच्या तुलनेत वाढलेली दिसून येत आहे. जुलै २०२५ मध्ये ४.९ लाख टन आहे, जी मागील वर्षी याच कालावधीत ३.८ लाख टन होती.
तूर हे खरीप पिक असून त्याची पेरणी जून ते जुलै व काढणी डिसेंबर ते फेब्रुवारी या दरम्यान केली जाते. भारत सरकारने जाहीर केलेल्या नवीन उत्पादन अंदाजानुसार सन २०२४-२५ मध्ये तुरीचे उत्पादन सुमारे ३५.६१ लाख टन होण्याची शक्यता आहे.
- मा. बाळासाहेब ठाकरे कृषि व्यवसाय व ग्रामीण परिवर्तन (स्मार्ट) प्रकल्पातील “बाजार माहिती विश्लेषण व जोखीम निवारण कक्षा अंतर्गत" शेतमालाच्या किंमतीचा अभ्यास करून ऑगस्ट २०२५ या कालावधीसाठी तूर पिकाचा संभाव्य किंमतीचा सुधारित अंदाज वर्तविला आहे.