Tur Market Update : वाशिम जिल्ह्यात तुरीच्या दरात पुन्हा सुधारणा झाल्याने शेतकऱ्यांना दिलासा मिळाला आहे.(Tur Market Update)
महिन्याच्या सुरुवातीला उच्चांक गाठल्यानंतर दरात झालेल्या घसरणीमुळे निर्माण झालेली निराशा १८ फेब्रुवारीला काहीशी दूर झाली.(Tur Market Update)
नव्या तुरीला प्रतिक्विंटल ७ हजार ५०० ते ८ हजार ३० रुपये, तर जुन्या तुरीला ६ हजार ८४० ते ७ हजार ४५० रुपये दर मिळाला. त्याच दिवशी नवी व जुनी तूर मिळून एकूण ३ हजार क्विंटल आवक नोंदविली गेली.(Tur Market Update)
उच्चांकानंतर घसरण, पुन्हा सुधारणा
१ फेब्रुवारी रोजी जिल्ह्यातील कृषी उत्पन्न बाजार समित्यांमध्ये नव्या तुरीचे दर प्रतिक्विंटल ९ हजार रुपयांच्या पुढे गेले होते.
या उसळीमुळे शेतकऱ्यांमध्ये उत्साहाचे वातावरण होते. मात्र, त्यानंतर दरात सातत्याने घसरण होत गेली.
१४ फेब्रुवारीला नव्या तुरीचा दर ७,१३० ते ७,८५० रुपयांवर आला. १६ आणि १७ फेब्रुवारीदरम्यान दर काहीसे स्थिर राहिले. मात्र १८ फेब्रुवारीला दरात पुन्हा सुधारणा झाली आणि नव्या तुरीचा दर ७,५०० ते ८,०३० रुपयांपर्यंत पोहोचला. त्यामुळे बाजारात सकारात्मक वातावरण निर्माण झाले.
दिवसागणिक दरातील चढ-उतार
१४ फेब्रुवारी: ७,१३० – ७,८५०
१६ फेब्रुवारी: ७,२२० – ७,८००
१७ फेब्रुवारी: ७,४२० – ८,०२०
१८ फेब्रुवारी: ७,५०० – ८,०३०
दरातील या चढ-उतारामुळे बाजारात काहीशी अनिश्चितता निर्माण झाली होती. अनेक शेतकऱ्यांनी दर स्थिर होण्याची वाट पाहत विक्री रोखून धरली होती.
आवक वाढली, व्यवहाराला गती
१८ फेब्रुवारी रोजी ३,००० क्विंटल तुरीची आवक नोंदविली गेली. आवक वाढल्याने बाजारातील खरेदी-विक्री व्यवहारांना वेग आला आहे. पुरवठा आणि मागणीमध्ये संतुलन राहिल्यास दर स्थिर राहण्याची शक्यता व्यक्त केली जात आहे.
शेतकऱ्यांना दिलासा, पुढे काय?
दरातील किमान वाढ शेतकऱ्यांसाठी दिलासादायक ठरली असली, तरी बाजारातील चढ-उतार कायम असल्याने सतर्क राहणे आवश्यक आहे. उत्पादनाचे प्रमाण, व्यापाऱ्यांची मागणी आणि बाजारातील आवक या घटकांवर दर अवलंबून असल्याने शेतकऱ्यांनी बाजारस्थितीवर लक्ष ठेवूनच विक्रीचा निर्णय घ्यावा, असे जाणकारांचे मत आहे.
दर आणखी वाढतील का, की पुन्हा घसरण होईल, याकडे आता शेतकऱ्यांचे लक्ष लागले आहे.
हे ही वाचा सविस्तर : Tur Market : ९ हजारांचा पल्ला गाठूनही तुरीची पडझड; भाववाढीची आशा फोल?