अमरावती : आंतरराष्ट्रीय स्तरावरील घडामोडी आणि तेलासह सोयापेंडच्या दरात झालेली मोठी वाढ, यामुळे स्थानिक बाजार समित्यांमध्ये सोयाबीनच्या दराने उसळी घेतली आहे.
शनिवारी येथील बाजार समितीत सोयाबीनला आतापर्यंतचा उच्चांकी दर मिळाला असून, अधिकतम ६,३६५ रुपये प्रति क्विंटलने व्यवहार झाले. चालू हंगामातील ५,३२८ रुपये हमीभावाच्या तुलनेत हा दर तब्बल एक हजार रुपयांहून अधिक आहे.
काही दिवसांपासून सोयाबीनच्या आवकमध्ये सातत्याने घट होत आहे. त्यातच जागतिक स्तरावर खाद्यतेलाच्या किमतीत झालेली वाढ आणि पशुखाद्य म्हणून सर्वाधिक सोयापेंडला असलेली मोठी मागणी, यामुळे सोयाबीनचे दर तेजीत आहेत. शनिवारी बाजार समिती उघडताच सोयाबीनच्या भावात सकारात्मक कल दिसून आला.
अंतिम सत्रात हा दर ६ हजार ३६५ रुपयांवर स्थिरावला. पोल्ट्री उद्योगाकडून सोयापेंडला मोठी मागणी असल्याने प्रक्रिया उद्योजकांनी सोयाबीनची खरेदी वाढविली आहे. आगामी उत्पादनाविषयी जागतिक बाजारपेठ अनिश्चितता आहे.
शेतकऱ्यांच्या पदरी निराशा
एकीकडे सोयाबीनचे दरवाढ होत असताना, दुसरीकडे सामान्य शेतकऱ्यांकडे विक्रीसाठी माल शिल्लक नाही. बहुतांश शेतकऱ्यांनी हंगामाच्या सुरुवातीलाच कमी दरात सोयाबीन विकले. आता दर ६,३०० रुपयांच्या पार गेले आहेत, तेव्हा केवळ सधन शेतकरी वा व्यापाऱ्यांकडेच साठा उपलब्ध आहे. त्यामुळे दरवाढीचा फायदा सर्वसामान्य शेतकऱ्याला झालेला नाही.
देशांतर्गत सोयातेलाचे दरात सुधार आणि सोयापेंडची दरवाढ झाल्याने स्थानिक बाजारात ही तेजी दिसून येत आहे. आवक कमी असल्याने पुढील काही दिवस बाजारभाव स्थिर किंवा अंशतः वाढण्याची शक्यता आहे.
- संजय जाजू, व्यापारी
वाचा सोयाबीन मार्केट
| 02/05/2026 | ||||||
| अहिल्यानगर | --- | क्विंटल | 36 | 5300 | 6000 | 5600 |
| अहिल्यानगर | लोकल | क्विंटल | 270 | 5801 | 6363 | 6211 |
| अहिल्यानगर | पिवळा | क्विंटल | 5 | 5400 | 5700 | 5550 |
| अकोला | पिवळा | क्विंटल | 1709 | 5865 | 6155 | 6075 |
| अमरावती | लोकल | क्विंटल | 2280 | 5800 | 6365 | 6082 |
| बीड | --- | क्विंटल | 829 | 4000 | 6401 | 6200 |
| बीड | पिवळा | क्विंटल | 653 | 5600 | 6225 | 6100 |
| बुलढाणा | पिवळा | क्विंटल | 3694 | 5408 | 6713 | 6197 |
| छत्रपती संभाजीनगर | --- | क्विंटल | 2 | 5805 | 5845 | 5820 |
| छत्रपती संभाजीनगर | पिवळा | क्विंटल | 1 | 5500 | 5500 | 5500 |
| धाराशिव | --- | क्विंटल | 104 | 5200 | 5200 | 5200 |
| हिंगोली | लोकल | क्विंटल | 550 | 5500 | 6200 | 5850 |
| हिंगोली | पिवळा | क्विंटल | 170 | 5650 | 5850 | 5725 |
| जालना | पिवळा | क्विंटल | 1889 | 5150 | 6350 | 5875 |
| लातूर | पिवळा | क्विंटल | 1747 | 5770 | 6301 | 6054 |
| नागपूर | पिवळा | क्विंटल | 498 | 5400 | 6460 | 5930 |
| नागपूर | पांढरा | क्विंटल | 269 | 5300 | 6000 | 5825 |
| नाशिक | --- | क्विंटल | 51 | 5975 | 6259 | 6025 |
| नाशिक | लोकल | क्विंटल | 10 | 5942 | 5942 | 5942 |
| नाशिक | पिवळा | क्विंटल | 3 | 5500 | 6012 | 6012 |
| नाशिक | पांढरा | क्विंटल | 186 | 4800 | 6312 | 6261 |
| परभणी | पिवळा | क्विंटल | 83 | 6160 | 6199 | 6175 |
| वर्धा | पिवळा | क्विंटल | 1882 | 4250 | 5658 | 5337 |
| वाशिम | --- | क्विंटल | 3200 | 5825 | 6460 | 6140 |
| वाशिम | पिवळा | क्विंटल | 600 | 6000 | 6300 | 6250 |
| यवतमाळ | पिवळा | क्विंटल | 310 | 5000 | 5300 | 5200 |
| राज्यातील एकुण आवक (क्विंटलमधील) | 21031 |