Soybean Bajar Bhav : राज्यातील प्रमुख बाजार समित्यांमध्ये आज (१५ जानेवारी) रोजी सोयाबीनच्याबाजारात संमिश्र स्थिती पाहायला मिळाली.(Soybean Arrival)
राज्यातील बाजार समितीमध्ये एकूण २ हजार ४४४ क्विंटल सोयाबीनची आवक नोंदविण्यात आली असून, सरासरी दर ४ हजार ८३६ रुपये प्रतिक्विंटल इतका राहिला.(Soybean Arrival)
आवक मर्यादित असली तरी बहुतांश बाजारांमध्ये दर किमान आधारभूत किंमतीपेक्षा (MSP) कमीच असल्याने शेतकरी विक्रीबाबत सावध भूमिका घेताना दिसले.(Soybean Arrival)
कोणत्या बाजारात किती दर?
यवतमाळ बाजार समितीत काळ्या सोयाबीनची ८२८ क्विंटल आवक झाली. येथे दर ४ हजार २०० ते ५ हजार ५०० रुपये असून सरासरी दर ४ हजार ८५० रुपये नोंदविला गेला.
मेहकर बाजारात लोकल सोयाबीनची ९०० क्विंटल इतकी सर्वाधिक आवक झाली. येथे सरासरी दर ५ हजार १५० रुपये राहिला, जो इतर बाजारांच्या तुलनेत तुलनेने चांगला मानला जात आहे.
वर्धा बाजारात १२९ क्विंटल आवक असून दर ४ हजार १५० ते ४ हजार ९७० रुपये, तर सरासरी ४ हजार ५५० रुपये राहिली. हिंगोली-खानेगाव नाका येथे २१९ क्विंटल पिवळ्या सोयाबीनची आवक झाली असून सरासरी दर ४ हजार ७३७ रुपये नोंदविला गेला.
बुलढाणा बाजारात १५० क्विंटल आवक असून दर ४ हजार ५०० ते ५ हजार १०० रुपये, सरासरी ४ हजार ८०० रुपये इतका राहिला.
राजूरा येथे केवळ ४६ क्विंटल आवक असूनही सरासरी दर ४ हजार ९१५ रुपये मिळाला. काटोल बाजारात १७२ क्विंटल आवक झाली असून दर ३ हजार ७०० ते ५ हजार १२१ रुपये, सरासरी ४ हजार ८५० रुपये राहिली.
पिवळ्या सोयाबीनला मागणी
व्यापाऱ्यांकडून पिवळ्या सोयाबीनला तुलनेने जास्त मागणी असल्याचे चित्र आहे. ओलसरपणा कमी, दाण्याची चमक आणि साठवणूकयोग्यता चांगली असल्याने पिवळ्या जातीस दराचा थोडासा फायदा होत आहे.
लोकल सोयाबीनच्या तुलनेत पिवळ्या जातीला काही बाजारांत जास्त दर मिळताना दिसले.
कुठे आवक घटली?
राजूरा, वर्धा आणि काटोल या बाजारांत आवक लक्षणीयरीत्या कमी राहिली. शेतकरी दरवाढीच्या अपेक्षेने माल साठवून ठेवत असल्याने तसेच काही भागांत अजूनही विक्री थांबलेली असल्यामुळे आवक घटल्याचे जाणकारांचे मत आहे. आवक कमी असली तरी दरांमध्ये मोठी उसळी दिसून आलेली नाही.
राज्यातील इतर बाजार समितीमध्ये सोयाबीनची आवक (Soybean Arrival) किती झाली आणि त्याला कसा दर मिळाला ते वाचा सविस्तर
शेतमाल : सोयाबिन
दर प्रती युनिट (रु.)
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 15/01/2026 | ||||||
| यवतमाळ | काळा | क्विंटल | 828 | 4200 | 5500 | 4850 |
| मेहकर | लोकल | क्विंटल | 900 | 4400 | 5400 | 5150 |
| वर्धा | पिवळा | क्विंटल | 129 | 4150 | 4970 | 4550 |
| हिंगोली- खानेगाव नाका | पिवळा | क्विंटल | 219 | 4500 | 4975 | 4737 |
| बुलढाणा | पिवळा | क्विंटल | 150 | 4500 | 5100 | 4800 |
| राजूरा | पिवळा | क्विंटल | 46 | 4255 | 5125 | 4915 |
| काटोल | पिवळा | क्विंटल | 172 | 3700 | 5121 | 4850 |
(सौजन्य : महाराष्ट्र राज्य कृषि व पणन महामंडळ)