Soyabean Market : भारतात सन २०२५-२६ मध्ये सोयाबीनचे उत्पादन १०५ लाख टन उत्पादन होण्याची शक्यता वर्तवली आहे. जे मागील वर्षीच्या तुलनेत १७ टक्क्यांनी कमी आहे. चालू वर्षी सोयाबीनची मासिक आवक नोव्हेंबर २०२५ पासून कमी होत असल्याचे दिसून येते.
सन २०२५-२६ हंगामासाठी किमान आधारभूत किंमत ५ हजार ३२८ रुपये प्रति क्विंटल आहे. मागील वर्षीच्या तुलनेत चालू वर्षी सोयाबीनच्या किंमतीत MSP च्या दिशेने वाढ होत असल्याचे दिसून येत आहेत.
मागील तीन वर्षातील एप्रिल महिन्यातील सरासरी किंमती खालील प्रमाणे होत्या :
- एप्रिल २०२३ : ५ हजार १५२ रुपये प्रति क्विंटल
- एप्रिल २०२४ : ४ हजार ५९६ रुपये प्रति क्विंटल
- एप्रिल २०२५ : ४ हजार ४१३ रुपये प्रति क्विंटल
तर एप्रिल २०२६ मध्ये सोयाबीनच्या किंमती MSP पेक्षा जास्त राहण्याची शक्यता आहे. त्यामध्ये कमाईत कमी ५ हजार ३५० रुपये ते ५, हजार ६५० रुपये प्रति क्विंटल राहण्याची शक्यता आहे.
भारताच्या सोयामील निर्यातीत सन २०२४-२५ या वर्षात मागील वर्षाच्या तुलनेत घट झाली आहे. तसेच, सन २०४-२५ साठीच्या अंदाजानुसार निर्यातीत आणखी घट होण्याची शक्यता असून, निर्यातीचे प्रमाण मागील वर्षाच्या तुलनेत कमी राहण्याची अपेक्षा आहे.
- मा. बाळासाहेब ठाकरे कृषि व्यवसाय व ग्रामीण परिवर्तन (स्मार्ट) प्रकल्पातील 'बाजार माहिती विश्लेषण व जोखीम निवारण कक्षा' अंतर्गत शेतमालाच्या किंमतीचा अभ्यास करून एप्रिल २०२६ या कालावधीसाठी निवडक पिकांच्या संभाव्य किंमतीचा अंदाज वर्तविला आहे.