सिन्नरला कांदा व्यवहार बंद असल्याने लाखोंची उलाढाल ठप्प, आज मार्केटमध्ये काय परिस्थिती? 

Sinnar Kanda Market : कृषी उत्पन्न बाजार समितीत कांद्याची आवक मोठ्या प्रमाणात वाढल्याने बाजारभावात घसरण झाली होती.

नाशिक : सिन्नर कृषी उत्पन्न बाजार समितीत कांद्याची आवक मोठ्या प्रमाणात वाढल्याने बाजारभावात घसरण झाली होती. व्यापाऱ्यांच्या खळ्यांवर कांदा साठवण्यासाठी पुरेशी जागा उपलब्ध नसल्याने मंगळवारी बाजार समितीतील कांदा लिलाव बंद ठेवण्याचा निर्णय व्यापारी संघटनेने घेतला होता. 

मंगळवारी कांदा लिलाव बंद असल्याने लाखो रुपयांची उलाढाल ठप्प झाल्याचे चित्र होते. मंगळवारी कांदा लिलाव बंद करण्याबाबत व्यापारी संघटनेने बाजार समितीचे सभापती श्रीकृष्ण घुमरे यांना निवेदन दिले होते.

सोमवारी बाजार समितीत ४१ पिकअप, १५२ ट्रॅक्टर अशा एकूण १९३ वाहनांतून सुमारे ४,२१० क्विंटल कांद्याची आवक झाली. कांद्याला जास्तीत जास्त १,१७५ रुपये, किमान ४०० रुपये, सरासरी ९७५ रुपये प्रतिक्विंटल दर मिळाला.

शेतकरीवर्गात नाराजी; अपेक्षेपेक्षा कमी दरकांद्यालाही अपेक्षेपेक्षा कमी दर मिळाल्याने शेतकरी वर्गात नाराजी होती. कांद्याच्या घसरलेल्या दरामुळे उत्पादन खर्चही भरून निघत नसल्याच्या प्रतिक्रिया शेतकऱ्यांकडून व्यक्त होत आहेत. मंगळवारी शेतकऱ्यांनी कांदा लिलावासाठी बाजार समितीच्या आवारात न आणल्याने शुकशुकाट दिसून आला.

 

सकाळ सत्रातील कांदा बाजारभाव 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
04/02/2026
अकलुज	---	क्विंटल	377	200	1800	1000
मुंबई - कांदा बटाटा मार्केट	---	क्विंटल	5202	1000	1900	1450
खेड-चाकण	---	क्विंटल	7500	1000	1600	1200
नागपूर	लाल	क्विंटल	1380	1500	1800	1725
मनमाड	लाल	क्विंटल	8000	300	1170	1000
भुसावळ	लाल	क्विंटल	29	1000	1500	1200
पुणे -पिंपरी	लोकल	क्विंटल	7	1400	1600	1500
वडूज	लोकल	क्विंटल	25	500	1500	1000
कामठी	लोकल	क्विंटल	6	2080	2580	2330
नागपूर	पांढरा	क्विंटल	1000	1500	2000	1875
पिंपळगाव बसवंत	पोळ	क्विंटल	25300	400	1470	1025