जळगाव : यंदा गव्हाची आवक मुबलक झाली आहे. एकीकडे सर्वच वस्तूंचे दर वाढत असताना गव्हाचे दर मात्र स्थिर असल्याने ग्राहकांना दिलासा मिळाला आहे. जिल्ह्यात प्रामुख्याने मध्य प्रेदश आणि गुजरातमधून गव्हाची आवक होते. लोकवन आणि वन फोर सेवन(147) या प्रकारातील गहू सध्या उपलब्ध झाला आहे.
तर चंदोसीसाठी दहा ते पंधरा दिवसांची प्रतीक्षा करावी लागणार आहे. चंदोसी गहू हा महागडा असल्याने नेहमीच्या वापरात बहुतांश लोक वन फोर सेवन या प्रकाराला अधिक पसंती देतात. यंदा चंदोसी गव्हाचा दर ५० रुपये किलोच्या आसपास राहण्याची शक्यता आहे.
३० ते ३८ रुपये प्रतिकिलो दर
वन फोर सेवन हा गहू प्रामुख्याने मध्य प्रदेशातून आयात केला जातो. साधारण या प्रकारातला हा गहू हा ३० ते ३३ रुपये प्रतिकिलो या दराने उपलब्ध आहे. यातीलच अधिक दर्जेदार गहू ३६ ते ३७ रुपये प्रतिकिलो या दराने विक्री होत असून, हा गहू प्रामुख्याने गुजरातमधून आला आहे. दरम्यान, लोकवन या प्रकारातील गव्हाच्या किमतीत फारसा फरक नाही.
एखादा रुपया दर कमी आहे. शेवयांसाठी वापरला जाणारा गुजरातमधील लोकवन मात्र ३८ ते ४० रुपये प्रतिकिलो आहे. यंदा गव्हाचे चांगले उत्पादन झाले आहे. परंतु, ग्राहक हे गुणवत्तेच्या दृष्टीने मध्य प्रदेश व गुजरातच्या गव्हाला अधिक पसंती देतात, असेही सांगण्यात आले.
गव्हाचे दर पाहुयात
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 24/03/2026 | ||||||
| वरूड-राजूरा बझार | --- | क्विंटल | 12 | 2000 | 2200 | 2065 |
| तुळजापूर | --- | क्विंटल | 157 | 2100 | 2200 | 2150 |
| जळगाव | १४७ | क्विंटल | 79 | 2150 | 2275 | 2275 |
| जळगाव - मसावत | १४७ | क्विंटल | 152 | 2175 | 2295 | 2200 |
| परतूर | २१८९ | क्विंटल | 79 | 2081 | 2220 | 2150 |
| औराद शहाजानी | २१८९ | क्विंटल | 60 | 1900 | 2600 | 2500 |
| नागपूर | लोकल | क्विंटल | 2123 | 2150 | 2308 | 2268 |
| मुंबई | लोकल | क्विंटल | 13986 | 2900 | 5000 | 3950 |
| धरणगाव | लोकल | क्विंटल | 600 | 2290 | 2400 | 2400 |
| सोलापूर | शरबती | क्विंटल | 698 | 2470 | 3790 | 3345 |
| पुणे | शरबती | क्विंटल | 527 | 4000 | 5000 | 4500 |
| नागपूर | शरबती | क्विंटल | 1000 | 3200 | 3500 | 3425 |