Gahu MSP Kharedi : गहू उत्पादक शेतकऱ्यांसाठी महत्वाची माहिती समोर आली आहे. देशातील गहू उत्पादक राज्यांपैकी राजस्थान आणि मध्यप्रदेशातील राज्य सरकारने गहू खरेदीची तारीख निश्चित केली आहे. यासोबतच गहू विक्रीसाठी नोंदणी तारीखही जाहीर करण्यात आली आहे.
राजस्थानातील शेतकऱ्यांसाठी
यामध्ये राजस्थान सरकारने जारी केलेल्या सूचनेनुसार, राज्यातील शेतकऱ्यांकडून आधारभूत किमतीवर गहू खरेदी १० मार्चपासून सुरू होईल आणि ३० जून २०२६ पर्यंत सुरू राहील. शेतकऱ्यांना त्यांचे उत्पादन विकण्यासाठी नोंदणी करावी लागेल, जी १ फेब्रुवारीपासून सुरू होऊन २५ जून रोजी संपेल.
या वर्षापासून, शेतकऱ्यांकडून गहू खरेदी राजस्थान राज्य अन्न आणि नागरी पुरवठा महामंडळामार्फत केली जाईल, तसेच भारतीय अन्न महामंडळ, राजफेड, तिलम संघ, नाफेड आणि एनसीसीएफ यांच्यामार्फतही केली जाईल.
या वेबसाइटवर विक्री नोंदणी करता येते
राजस्थान सरकारने गव्हासाठी किमान आधारभूत किंमत (MSP) प्रति क्विंटल २५८५ रुपये निश्चित केली आहे. शेतकरी गहू विक्रीसाठी वैयक्तिकरित्या किंवा ई-मित्र द्वारे नोंदणी करू शकतात. शेतकरी नागरी पुरवठा विभागाच्या https://food.rajasthan.gov.in वेबसाइटवर गहू विक्रीसाठी नोंदणी करू शकतात.
मध्य प्रदेशातील शेतकऱ्यांसाठी
मध्य प्रदेशात, रब्बी खरेदी वर्ष २०२६-२७ अंतर्गत आधारभूत किमतीवर गहू खरेदीसाठी शेतकऱ्यांची नोंदणी ७ फेब्रुवारीपासून सुरू होईल, नोंदणीची अंतिम तारीख ७ मार्च २०२६ आहे. राज्य सरकारने जारी केलेल्या आदेशानुसार, निर्धारित वेळेत नोंदणी करणारे शेतकरीच किमान आधारभूत किमतीवर सरकारी गहू खरेदीसाठी पात्र असतील. राज्य सरकारच्या सूचनांनुसार, अन्न, नागरी पुरवठा आणि ग्राहक विभागामार्फत नोंदणी प्रक्रिया पूर्ण केली जाईल.