जळगाव : बोदवड शहरातील एका खासगी मका खरेदी केंद्रावर शेतकऱ्याच्या पाच क्विंटल मका मालात वजनात घोटाळा झाल्याचा प्रकार उघडकीस आला आहे. यामुळे शेतकऱ्यांमध्ये तीव्र संताप व्यक्त होत आहे. हा प्रकार जामनेर तालुक्यातील राजणी येथील शेतकरी बापूराव मेटेकर यांच्या अनुभवातून समोर आला आहे.
मेटेकर यांनी मका भरलेले तीन ट्रॅक्टर एका खासगी खरेदी केंद्रावर नेले. मात्र, तेथील दर न समाधानकारक वाटल्याने त्यांनी तात्पुरती वजनाची पावती घेतली व दुसऱ्या, अधिक नामांकित केंद्रावर गेले. तेथे काट्यावर पुन्हा वजन घेतले असता, पहिल्या केंद्राच्या तुलनेत सुमारे पाच क्विंटल मका अधिक भरत असल्याचे स्पष्ट झाले.
या प्रकारामुळे शेतकरी संतप्त झाले. त्यांनी पहिल्या खरेदी केंद्रावरच जाऊन केंद्र चालकाला घेरले. चर्चेनंतर केंद्र चालकाने 'काट्यावर नवीन माणूस बसल्याने चुकून कमी वजन दाखवले गेले' अशी कबुली दिली. त्यांनी बंद खोलीत समजूत घालत प्रकरण मिटवले. या प्रकारामुळे शहरातील खरेदी केंद्रांवरील शेतकऱ्यांचा विश्वास डळमळीत झाला असून, प्रशासनाने अशा प्रकारांकडे गांभीर्याने लक्ष देण्याची गरज व्यक्त केली जात आहे.
शेतकरी बापूराव मेटेकर यांच्या सर्तकतेमुळे फसवणूक उघडकीस आली. पहिल्या केंद्रावर पाच क्विंटल मका कमी दाखवला गेल्याचे स्पष्ट होताच शेतकऱ्यांमध्ये संताप उसळला आहे. तर 'नवीन व्यक्तीमुळे चूक झाली सदर व्यक्ती नवीन असल्याने आम्ही तक्रार दाखल केली नाही' अशी प्रतिक्रिया शेतकरी बापूराव मेटेकर यांनी दिली.
Web Summary : A farmer in Bodwad exposed a maize weighing scam at a private purchase center. He found a five-quintal weight difference, prompting outrage. The center admitted error due to a new employee, settling the matter privately. Farmers' trust is shaken, demanding administrative oversight.
Web Summary : बोदवड में एक किसान ने एक निजी खरीद केंद्र पर मक्का तोल में घोटाला उजागर किया। उसे पांच क्विंटल का वजन अंतर मिला, जिससे आक्रोश फैल गया। केंद्र ने एक नए कर्मचारी के कारण त्रुटि स्वीकार की, और मामले को निजी तौर पर निपटा लिया। किसानों का विश्वास हिल गया है, प्रशासनिक निरीक्षण की मांग की जा रही है।