चाकण : खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये फळभाज्या आणि तरकारी मालाची भरपूर आवक झाली. पालेभाज्यांचीही मोठ्या प्रमाणात आवक होऊनही भाज्यांचे भाव तेजीत राहिले.
भुईमूग शेंगा आणि जळगाव भुईमूग शेंगांची आवक पूर्णपणे थांबली, तर लसणाची आवक कमी होऊनही भाव स्थिर राहिले. बाजारातील एकूण उलाढाल २ कोटी ८० लाख रुपये इतकी नोंदवली गेली.
कांद्याची एकूण आवक ९०० क्विंटल इतकी नोंदवली गेली, जी गेल्या आठवड्याच्या तुलनेत १०० क्विंटलने कमी होती. तरीही कांद्याच्या कमाल भावात २०० रुपयांची घट होऊन तो १,७०० वरून १,५०० रुपये प्रति क्विंटलवर स्थिरावला.
बटाट्याची आवक गेल्या आठवड्याच्या तुलनेत १०० क्विंटलने वाढून १,५०० क्विंटल झाली. यामुळे बटाट्याचा कमाल भाव १,८०० रुपये प्रति क्विंटलवर स्थिर राहिला.
कांद्याचे भावभाव क्रमांक १-१,५०० रुपये.भाव क्रमांक २१,३०० रुपये.भाव क्रमांक ३ ८०० रुपये.
बटाट्याचे भावभाव क्रमांक ११,८०० रुपये.भाव क्रमांक २-१,५०० रुपये.भाव क्रमांक ३१,००० रुपये.
लसूण आणि हिरव्या मिरचीचे भाव स्थिरलसणाची आवक २५ क्विंटल इतकी नोंदवली गेली, जी गेल्या आठवड्याच्या तुलनेत ५ क्विंटलने कमी होती. लसणाचा कमाल भाव १०, हजार रुपये प्रति क्विंटलवर स्थिर राहिला. हिख्या मिरचीची आवक ३२५ क्विंटल होती, आणि भाव चार हजार ते पाच हजार रुपये प्रति क्विंटल राहिले. हिरव्या मिरचीचे भाव स्थिर राहिले.
अधिक वाचा: ऊर्जा विभागाच्या 'या' इशाऱ्यामुळे मुख्यमंत्री सौर कृषी वाहिनी योजनेचे काम होणार जलद