एप्रिल महिन्याच्या प्रारंभी सोयाबीनच्या दर वाढल्याने रिसोड बाजार समितीत आवक वाढली होती. मात्र, सोयाबीनचे दर पुन्हा ४४०० रुपयांपर्यंत घसरल्याने शेतकऱ्यांनी विक्री थांबविल्याचे चित्र आहे. परिणामी, रिसोड बाजार समितीत पाच दिवसांत सोयाबीनची आवक ७०० क्विंटलने घटली आहे.
सध्या सोयाबीनच्या दरात तेजी दिसून येत आहे. त्यामुळे खरिपाच्या तयारीपूर्वी शेतकरी साठवून ठेवलेले सोयाबीन विक्रीसाठी आणत आहेत. मात्र, दरात सातत्याने होणारा चढ-उतार यामुळे बाजारात अनिश्चिततेचे वातावरण आहे.
खरीप हंगामाच्या पार्श्वभूमीवरही सोयाबीनच्या दरात होत असलेली घसरण शेतकऱ्यांमध्ये संभ्रम निर्माण करत आहे. परिणामी, शेतकऱ्यांनी सोयाबीनची विक्री रोखत सावधगिरीचा पवित्रा घेतला आहे.
दरात चढ-उतार कायमच !
राज्यात आज एकूण १४०२७ क्विंटल सोयाबीन आवक झाली होती. ज्यात सर्वाधिक आवक असलेल्या लातूर, अकोला बाजारात सोयाबीनला ४००० ते ४२०० असा सरासरी दर मिळाला. तर कमी आवकेच्या गंगाखेड, भोकर, देउळगाव राजा बाजारात ४००० ते ४५०० रुपयांचा प्रती क्विंटल सरासरी दर मिळाला.
कृषी पणन मंडळाच्या अधिकृत माहितीनुसार राज्यातील सोयाबीन आवक व दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 21/04/2025 | ||||||
| तुळजापूर | --- | क्विंटल | 50 | 4300 | 4300 | 4300 |
| अमरावती | लोकल | क्विंटल | 990 | 4000 | 4250 | 4125 |
| नागपूर | लोकल | क्विंटल | 585 | 4000 | 4360 | 4270 |
| लातूर | पिवळा | क्विंटल | 9359 | 4040 | 4540 | 4400 |
| अकोला | पिवळा | क्विंटल | 1643 | 3570 | 4385 | 4200 |
| चिखली | पिवळा | क्विंटल | 290 | 3850 | 4500 | 4175 |
| भोकर | पिवळा | क्विंटल | 21 | 4325 | 4325 | 4325 |
| हिंगोली- खानेगाव नाका | पिवळा | क्विंटल | 91 | 3800 | 4300 | 4050 |
| मुर्तीजापूर | पिवळा | क्विंटल | 450 | 3685 | 4315 | 4000 |
| दिग्रस | पिवळा | क्विंटल | 150 | 3830 | 4450 | 4150 |
| गंगाखेड | पिवळा | क्विंटल | 8 | 4500 | 4600 | 4500 |
| देउळगाव राजा | पिवळा | क्विंटल | 20 | 4100 | 4100 | 4100 |
| निलंगा | पिवळा | क्विंटल | 200 | 4200 | 4400 | 4300 |
| पालम | पिवळा | क्विंटल | 75 | 4451 | 4451 | 4451 |
| सिंदी | पिवळा | क्विंटल | 95 | 3850 | 4300 | 4200 |