उन्हाचा पारा चढताच लिंबाला ७० रूपयांचा भाव; बाजारात मागणी वाढली, आवकेत मात्र घट

Lemon Market Rate : तापमानाचा पारा चढू लागल्याने सरबत विक्रेत्यांसह रसवंती गृहे, हॉटेल व्यावसायिक, तसेच घरगुती ग्राहकांकडून लिंबाची मागणी वाढली आहे. त्यामुळे किरकोळ बाजारात लिंबाचे दर वधारले आहेत.

नितीन कांबळे 

तापमानाचा पारा चढू लागल्याने सरबत विक्रेत्यांसह रसवंती गृहे, हॉटेल व्यावसायिक, तसेच घरगुती ग्राहकांकडून लिंबाची मागणी वाढली आहे. त्यामुळे किरकोळ बाजारात लिंबाचे दर वधारले आहेत.

सध्या सर्वत्र मागणीच्या तुलनेत पुरवठा कमी होत असल्याने दरात सातत्याने वाढ होत आहे. स्थानिक बाजारात लिंबाचा दर वाढल्याचे दिसून येत आहे.

उन्हाळ्याची चाहूल, पारा ३२ अंशांवर

उन्हाची चाहूल लागली असून, पारा दिवसेंदिवस वाढत चालला आहे. सध्या उन्हाचा पारा हा ३२ अंशांवर आहे.

तुलनेत पुरवठा कमी

उन्हाळ्यात लिंबाची आवक कमी होत असते आणि मागणी वाढत असते. मागणीच्या तुलनेत पुरवठा कमी होत असल्याचे विक्रेते सांगतात.

आवक घटली, दर वाढणार

लिंबाची आवक कमी झाली असून, मागणी वाढल्याने दिवसेंदिवस भाववाढ होत आहे. सध्या ७० रुपये भाव असून, नंतर दीडशे पार जाऊ शकते, असे लिंबू अडत व्यापारी सचिन वाघुले यांनी 'लोकमत'ला सांगितले.

रसवंती, हॉटेल, ग्राहकांकडून मागणी वाढली

हळूहळू उन्हाचा पारा वाढत चालला आहे. त्यामुळे रसवंत्या, हॉटेलवर लिंबाला मागणी वाढली असल्याचे शहरासह ग्रामीण भागात दिसत आहे.

आताच महाग; पुढे काय ?

उन्हाच्या सुरुवातीलाच लिंबू एवढे महाग झाले आहे. आणखी कडक उन्हाळा बाकी आहे. ऊन वाढले तर नंतर लिंबाचा भाव दीडशे ते दोनशे रुपये किलोच्या घरात जाऊ शकतो, असा विक्रेत्यांचा अंदाज आहे.

७० रुपये किलोप्रमाणे लिंबू बाजारात

सध्या उन्हाची तीव्रता वाढू लागली आहे. बाजारपेठेत मध्यंतरी २५ ते ४० रुपये किलो लिंबाला बाजारभाव होता; पण आता ७० रुपये किलोचा भाव बाजारात मिळत आहे.

लिंबाच्या दरात उसळी कशामुळे?

थंडीच्या दिवसांत लिंबाला एवढा भाव किंवा मागणी नसते; पण उन्हाची चाहूल लागताच सरबत, उसाचा रस, रोजच्या आहारात मागणी वाढल्याने लिंबाच्या दराने उसळी घेल्याचे दिसून येत आहे.

शेतकऱ्यांसाठी लिंबू शेती एटीएम

माल जरी कमी निघत असला तरी भाव चांगला मिळतोय. इतर पिकापेक्षा लिंबूशेती फायदेशीर असून, दररोज हातात पैसा येत असल्याने ग्रामीण भागातील शेतकऱ्यांसाठी लिंबू शेती एटीएम असल्याचे चोंभानिमगाव येथील शेतकरी रेवणनाथ राऊत यांनी सांगितले.

कृषी पणन मंडळाच्या अधिकृत माहितीनुसार राज्यातील लिंबू आवक व दर 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
01/03/2026
छत्रपती संभाजीनगर	---	क्विंटल	25	8000	13000	10500
राहता	---	क्विंटल	7	7000	8000	7500
पुणे-मोशी	लोकल	क्विंटल	47	10000	10000	10000
28/02/2026
अकलुज	---	क्विंटल	12	3000	5000	4000
कोल्हापूर	---	क्विंटल	113	5000	7500	6000
अहिल्यानगर	---	क्विंटल	18	2000	7500	4750
जळगाव	---	क्विंटल	45	1500	3500	2500
छत्रपती संभाजीनगर	---	क्विंटल	42	6000	8000	7000
राहूरी	---	क्विंटल	2	5000	7000	6000
श्रीरामपूर	---	क्विंटल	14	3000	4000	3550
राहता	---	क्विंटल	4	2000	8000	5000
नाशिक	हायब्रीड	क्विंटल	20	5000	7000	6000
सोलापूर	लोकल	क्विंटल	28	800	7500	4000
अमरावती- फळ आणि भाजीपाला	लोकल	क्विंटल	60	5500	6500	6000
पुणे-मोशी	लोकल	क्विंटल	63	8000	10000	9000
नागपूर	लोकल	नग	120	7000	7500	7375
भुसावळ	लोकल	क्विंटल	4	8000	9000	9000
27/02/2026
अकलुज	---	क्विंटल	10	3000	5000	4000
जळगाव	---	क्विंटल	9	6000	9000	7500
श्रीरामपूर	---	क्विंटल	22	3000	4000	3550
नाशिक	हायब्रीड	क्विंटल	18	5000	7500	7000
कल्याण	हायब्रीड	क्विंटल	3	5000	6000	5500
धाराशिव	कागदी	क्विंटल	8	2000	6000	4000
सोलापूर	लोकल	क्विंटल	30	900	8000	3500
पुणे	लोकल	क्विंटल	385	400	2400	1800
पुणे-मोशी	लोकल	क्विंटल	38	10000	10000	10000
जुन्नर - नारायणगाव	लोकल	क्विंटल	8	1000	9000	5000
मुंबई	लोकल	क्विंटल	181	2000	3000	2500
भुसावळ	लोकल	क्विंटल	3	7500	8000	8000
हिंगणा	लोकल	क्विंटल	1	7000	11000	8750

हेही वाचा : परिस्थितीशी झुंज देत विजयालक्ष्मी यांची दुग्धव्यवसायात भरारी; आता महिन्याकाठी १ लाख रुपयांची कमाई