सुपे उपबाजारात चिंचेच्या ५ हजार पोत्यांची आवक; फोडलेल्या चिंचेला भाव जास्त

सुपे येथील चिंचेचा बाजार प्रसिद्ध आहे. सध्या चिंचेची आवक सुरू झाली असून अखंड आणि फोडलेली अशा प्रकारात आवक आहेत. फोडून व्यवस्थित पॅकिंग केलेल्या चिंचेला भाव चांगला मिळत आहे.

सुपे, ता. बारामती, जि. पुणे येथील उपबाजारात शनिवारी (दि. २) झालेल्या या हंगामातील दुसऱ्याच आठवड्यात अखंड चिंचेला ४ हजार ८५०, तर चिंचोक्यास २ हजार १०० आणि फोडलेल्या चिंचेला १० हजार ५०० प्रति क्विंटल एवढा उच्चांकी बाजारभाव मिळाला.

येथील बाजार समितीचे सभापती सुनील पवार आणि उपसभापती नीलेश लडकत यांच्या हस्ते मागील आठवड्यात चिंचेच्या बाजाराचा शुभारंभ करण्यात आला. शेतकऱ्यांनी आपली चिंच स्वच्छ, वाळवून व चांगल्या पॅकिंगमध्ये आणावी. तसेच येथे येणाऱ्या प्रत्येक शेतकऱ्याच्या मालाचे वजन त्वरित केले जाते. त्यानंतर अकरा वाजता चिंचेचा लिलाव होताच मालाची रोख पट्टी दिली जात असल्याची माहिती उपसभापती नीलेश लडकत यांनी दिली.

सुपे उपबाजार ही चिंच लिलावासाठी प्रसिद्ध अशी जुनी बाजारपेठ आहे. त्यामुळे बारामती तालुक्यासह शिरूर, दौंड, पुरंदर, फलटण, श्रीगोंदा, इंदापूर, भोर इत्यादी तालुक्यांतून तसेच राज्यातील इतर जिल्ह्यातून शेतकरी चिंच विक्रीसाठी दरवर्षी येतात. चिंच खरेदीसाठी बारामती, पुणे, बार्शी, तुळजापूर, लातूर, औरंगाबाद, अलिबाग तसेच हैदराबाद या भागातून खरेदीदार येत असतात. शेतमालाचा लिलाव हा उघड लिलाव पद्धतीने होतो.

इलेक्ट्रॉनिक वजन
शेतमालाचे वजनमाप इलेक्ट्रॉनिक वजनकाट्यावर लिलावापूर्वी होत असल्याने चिचेस चढ्या भावाने दर मिळत आहेत. गतवर्षीपेक्षा यावर्षी चिंचेस जादा दर मिळत आहे तसेच आणखी दर वाढतील, अशी माहिती सचिव अरविंद जगताप यांनी दिली. यावेळी बारामती बाजार समितीचे सदस्य सतीश जगताप, अरुण सकट व सुपे व्यापारी अध्यक्ष सुभाष चांदगुडे व शेतकरी उपस्थित होते.

चिंचेचे बाजारभाव असे आहेत 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
04/03/2024
श्रीरामपूर	---	क्विंटल	150	2000	4000	3000
नांदगाव	लोकल	क्विंटल	7	1700	8501	8050
03/03/2024
श्रीरामपूर	---	क्विंटल	180	1500	3500	2500
02/03/2024
बार्शी	---	क्विंटल	1010	8300	20000	10000
श्रीरामपूर	---	क्विंटल	170	1500	3700	2600
मुंबई	लोकल	क्विंटल	241	7500	12500	10000
नांदगाव	लोकल	क्विंटल	3	7500	8380	8350
01/03/2024
अहमदनगर	---	क्विंटल	144	8500	15000	11750
बार्शी	---	नग	639	8700	16000	11000
उदगीर	---	क्विंटल	50	8000	13500	10750
श्रीरामपूर	---	क्विंटल	190	1400	4000	2700
कर्जत (अहमहदनगर)	---	क्विंटल	20	2000	2200	2000
देवळा	लाल	क्विंटल	3	1505	2240	2160
अहमदनगर	लोकल	क्विंटल	64	2600	3280	2940
मुंबई	लोकल	क्विंटल	149	7500	12500	10000
नांदगाव	लोकल	क्विंटल	4	2100	8360	8250
दौंड-यवत	लोकल	क्विंटल	4	1650	2000	1850