यंदाच्या रब्बी हंगामातील पीकविमा योजनेत नोंदणीसाठी राष्ट्रीय पीक विमा पोर्टल सुरू करण्यात आले असून, ज्वारी पिकासाठी ३० नोव्हेंबर, गहू, हरभरा व कांदा पिकासाठी १५ डिसेंबर व उन्हाळी भुईमूगासाठी ३१ मार्च २०२६ अशी मुदत ठेवण्यात आली आहे. या मुदतीत योजनेत सहभागी व्हावे, असे आवाहन विभागीय कृषी सहसंचालक दत्तात्रय गावसाने यांनी केले आहे.
पुणे, सोलापूर व अहिल्यानगर जिल्ह्यात भारतीय कृषी विमा कंपनीमार्फत ही योजना राबविण्यात येत आहे. योजनेत सहभागी होण्यासाठी ॲग्रीस्टॅक नोंदणी-फार्मर आयडी, आधार कार्ड, बँक खाते तपशील, जमीन धारणा उतारा, भाडेपट्टीने शेती करणाऱ्या शेतकऱ्यांना नोंदणीकृत भाडेकरार आदी कागदपत्रे आवश्यक असून, ई-पीक पाहणी असणे बंधनकारक आहे, असेही त्यांनी स्पष्ट केले आहे.
गहू अहिल्यानगर जिल्हा (बागायत) विमा संरक्षित रक्कम ४५ हजार रूपये (विमा हप्ता ४५० रुपये), रब्बी ज्वारी बागायत व जिरायत, हरभरा-३६ हजार रुपये (३६० रुपये), पुणे जिल्हा गहू (बागायत) ४५ हजार रुपये (२२५ रुपये), रब्बी ज्वारी बागायत व जिरायत ३६ हजार रुपये (१८० रुपये), हरभरा- ३६ हजार रुपये (९० रुपये) याप्रमाणे विमा संरक्षित रक्कम व विमा हप्ता राहिल.
सोलापूर जिल्हा - गहू (बागायत) विमा संरक्षित रक्कम ३८ हजार रुपये (विमा हप्ता ३८० रुपये), रब्बी ज्वारी बागायत ३६ हजार रुपये (३६० रुपये), रब्बी ज्वारी ३० हजार (३०० रूपये).
Web Summary : The deadline for Jowar crop insurance registration has been extended to November 30 in Pune, Solapur, and Ahilyanagar districts. Registration deadlines for wheat, gram, and onion are December 15, and summer groundnut is March 31, 2026. Farmers need Aadhar card, bank details, and land records for registration.
Web Summary : पुणे, सोलापुर और अहिल्यानगर जिलों में ज्वार फसल बीमा पंजीकरण की समय सीमा 30 नवंबर तक बढ़ा दी गई है। गेहूं, चना और प्याज के लिए पंजीकरण की अंतिम तिथि 15 दिसंबर है, और ग्रीष्मकालीन मूंगफली के लिए 31 मार्च, 2026 है। किसानों को पंजीकरण के लिए आधार कार्ड, बैंक विवरण और भूमि रिकॉर्ड की आवश्यकता है।