आषाढी वारी पालखी सोहळ्याचे वेळापत्रक जाहीर; वाचा माउलींचा कोणत्या गावात कधी मुक्काम? | Schedule of Ashadhi Wari Palkhi ceremony announced; Read: In which village will the Mauli stay when?

Pandharpur Ashadhi Wari 2026 Timetable श्री संत ज्ञानेश्वर महाराज आषाढी वारी पालखी सोहळ्याच्या पुणे मुक्कामाबाबत गेल्या काही दिवसांपासून सुरू असलेला संभ्रम अखेर दूर झाला आहे.

प्रशासनाने आवश्यक उपाययोजनांची लेखी हमी दिल्यानंतर यंदाही पालखीचा मुक्काम पुण्यातील भवानी पेठेतील श्री विठ्ठल मंदिरातच होणार असल्याचे संस्थान कमिटीने स्पष्ट केले.

वारकऱ्यांची वाढती संख्या, अपुरी जागा आणि भाविकांना होणाऱ्या गैरसोयीमुळे पालखी मुक्काम रेसकोर्स मैदानावर हलवण्याची चर्चा रंगली होती, मात्र, पुणे जिल्हाधिकारी जितेंद्र हुडी यांनी पालखी सोहळा प्रमुख अ‍ॅड. राजेंद्र उमाप यांना दिलेल्या लेखी पत्रानंतर हा पेच सुटला.

२५ मे २०२६ रोजी दिलेल्या पत्रात जिल्हाधिकाऱ्यांनी मंदिर परिसरातील गर्दीचे नियोजन करण्यासाठी शेजारील तीन खासगी मालमत्ता ताब्यात घेण्याची प्रक्रिया सुरू असल्याचे नमूद केले आहे.

८ जुलैला आळंदीतून प्रस्थान
यंदाचा पालखी सोहळा ८ जुलै रोजी दुपारी ३ वाजता आळंदी येथून प्रस्थान ठेवणार आहे. २ आणि १० जुलै रोजी पालखीचा मुक्काम पुण्यातील भवानी पेठेत होणार आहे.

संतश्रेष्ठ श्री ज्ञानेश्वर महाराज आषाढी वारी पालखी सोहळा २०२६

दिनांक	वार	सकाळी पालखी निघण्याचे ठिकाण	सकाळचा विसावा	दुपारचा भोजन विसावा व निघण्याचे ठिकाण	दुपारचा विसावा	रात्रीचा मुक्काम
८ जुलै	बुधवार	-----	-----	-----	प्रस्थान दुपारी ३:०० वा.	(गांधी वाडा) दर्शन मंडप इमारत, आळंदी संस्थान
९ जुलै	गुरुवार	आळंदी	थोरल्या पादुका आरती, भोसरी फाटा	फुलेनगर	संगमवाडी	भवानी पेठ, पुणे
१० जुलै	शुक्रवार	-----	-----	-----	-----	पुणे
११ जुलै	शनिवार	पुणे	शिंदे छत्री-आरती	हडपसर	उरळी देवाची, वडकीनाला झेंडेवाडी, पवारवाडी	सासवड
१२ जुलै	रविवार	-----	-----	सासवड	-----	सासवड
१३ जुलै	सोमवार	सासवड	बोरावके मळा	यमाई-शिवरी	साकुर्डे	जेजुरी
१४ जुलै	मंगळवार	जेजुरी	दौंडज शीव, दौंडज	वाल्हे	-----	वाल्हे
१५ जुलै	बुधवार	वाल्हे	पिंपर खुर्द विहीर	नीरा	श्रींचे नीरा स्नान	लोणंद
१६ जुलै	गुरुवार	-----	-----	लोणंद	चांदोबाचा लिंब उभे रिंगण १ ले	तरडगाव
१७ जुलै	शुक्रवार	तरडगाव	दत्त मंदिर कळज, सुरवडी	निंभोरे ओढा	वडजल	फलटण
१८ जुलै	शनिवार	फलटण	विडणी	पिंपरद	निंबळक फाटा	बरड
१९ जुलै	रविवार	बरड	साधुबुवाचा ओढा	धर्मपुरी कॅनॉल, कारुंडे	शिंगणापूर फाटा पानसकरवाडी	नातेपुते
२० जुलै	सोमवार	नातेपुते	-----	मांडवी ओढा	पुरंदवडे गोल रिंगण १ ले, येळीव	माळशिरस
२१ जुलै	मंगळवार	माळशिरस	खुडूसफाटा गोल रिंगण २ रे	विंझोरी चौक, ज्ञानेश्वरनगर	धावाबावी माउंट	वेळापूर
२२ जुलै	बुधवार	वेळापूर	ठाकूरबुवाची समाधी गोल रिंगण ३ रे	तोंडले-बोंडले	टप्पा संत सोपानदेव भेट, वाडीकुरोली	भंडीशेगाव
२३ जुलै	गुरुवार	-----	भंडीशेगाव	भंडीशेगाव	बाजीरावची विहीर उभे रिंगण २ रे, गोल रिंगण ४ थे	वाखरी
२४ जुलै	शुक्रवार	-----	-----	-----	पादुकांजवळ आरती व उभे रिंगण ३ रे	पंढरपूर
२५ जुलै	शनिवार	-----	नगरप्रदक्षिणा	श्रींचे चंद्रभागा स्नान	-----	पंढरपूर
२६ जुलै	रविवार	-----	-----	-----	-----	पंढरपूर
२७ जुलै	सोमवार	-----	-----	-----	-----	पंढरपूर
२८ जुलै	मंगळवार	-----	-----	-----	-----	पंढरपूर
२९ जुलै	बुधवार	-----	श्रींचे चंद्रभागा स्नान, गोपाळपूर काला व श्री विठ्ठल-रुक्मिणी भेट	-----	पादुकांजवळ विसावा	वाखरी परतीचा प्रवास सुरू

अधिक वाचा: सोने आणि चांदीवरील आयात शुल्क गेले थेट १५ टक्क्यांवर; भविष्यात सोने किती हजारांवर जाणार?

English

हिंदी सारांश

Web Title : Ashadhi Wari Palkhi Schedule Announced: Mauli's Stay in Which Village?

Web Summary : The 2026 Ashadhi Wari Palkhi schedule is out. The procession starts from Alandi on July 8th, with a Pune stay confirmed at Bhavani Peth. The detailed itinerary reveals village-wise stops until Pandharpur, commencing July 24th.