Mung Udid Kharedi : मध्य प्रदेशातील (MP Farmers) शेतकऱ्यांना दिलासा मिळाला आहे, कारण मूग आणि उडीद खरेदीच्या प्रस्तावाला मान्यता देण्यात आली आहे. केंद्रीय कृषी मंत्री शिवराज सिंह चौहान (Shivraj Singh chauhan) यांनी नवी दिल्ली येथे बैठक घेत किंमत समर्थन योजनेअंतर्गत (PSS) खरेदीच्या प्रस्तावाला मान्यता दिली. नाफेड, एनसीसीएफ आणि संबंधित राज्य अधिकाऱ्यांना आवश्यक सूचना दिल्या आहेत.
राज्य सरकारच्या मंत्र्यांसोबत बैठक
१३ जून रोजी मध्य प्रदेशचे मुख्यमंत्री डॉ. मोहन यादव यांनी एमएसपीवर मूग आणि उडदाच्या खरेदीसाठी केंद्राला प्रस्ताव पाठविण्याची माहिती दिली होती, त्यानंतर १९ जूनपासून त्याची नोंदणी प्रक्रिया सुरू झाली
आता केंद्राने त्याला मान्यता दिली आहे. केंद्रीय मंत्रालयाने मध्य प्रदेश सरकारच्या प्रस्तावावर विचार केला आणि केंद्रीय कृषी मंत्री शिवराज सिंह यांनी राज्य सरकार आणि इतर भागधारकांसोबत झालेल्या बैठकीनंतर किंमत समर्थन योजनेअंतर्गत (PSS) राज्यात मूग आणि उडदाळ खरेदीला मान्यता दिली.
ते म्हणाले की खरेदी योग्य पद्धतीने होणे खूप महत्वाचे आहे. शेतकऱ्यांकडून थेट खरेदी केल्यानेच मध्यस्थांचा कारभार कमी होईल आणि त्याचे फायदे खऱ्या अर्थाने शेतकऱ्यांपर्यंत पोहोचतील. तसेच आधुनिक आणि प्रभावी तंत्रज्ञानाचा वापर करून शेतकऱ्यांची नोंदणी करण्यासाठी योग्य व्यवस्था करावी. गरज पडल्यास खरेदी केंद्रांची संख्या वाढवावी आणि योग्य आणि पारदर्शक पद्धतीने खरेदी सुनिश्चित करावी.