Fertilizer Price Hike : आगामी खरीप हंगामाच्या पार्श्वभूमीवर रासायनिक खतांच्या दरात झालेल्या मोठ्या वाढीमुळे शेतकऱ्यांसमोर आर्थिक संकट उभे राहण्याची चिन्हे दिसत आहेत.(Fertilizer Price Hike)
खतांच्या वाढत्या किमतींमुळे शेतीचा उत्पादन खर्च वाढणार असून याचा थेट परिणाम शेतकऱ्यांच्या उत्पन्नावर होणार आहे.(Fertilizer Price Hike)
१५ टक्क्यांपर्यंत दरवाढ
वणी तालुक्यात खतांच्या दरात सरासरी १५ टक्क्यांपर्यंत वाढ झाल्याचे दिसून येत आहे. शेती उत्पादनासाठी रासायनिक खत अत्यावश्यक असल्यामुळे दरवाढीचा थेट परिणाम शेतकऱ्यांच्या आर्थिक गणितावर होत आहे.
खरीप हंगामाची पेरणी जूनमध्ये होत असली तरी मे महिन्यापासून खत खरेदी सुरू होते.
बियाणे, मजुरी आणि यंत्रसामग्रीचे दरही वाढले आहेत
मात्र शेतमालाचे बाजारभाव घटत आहेत
या विरोधाभासी परिस्थितीमुळे शेतकरी आर्थिक तणावात सापडले आहेत.
सोयाबीन व कापूस उत्पादक अडचणीत
तालुक्यातील प्रमुख पिके असलेल्या सोयाबीन व कापसाच्या बाजारभावात सतत चढ-उतार होत आहेत.
सध्या सोयाबीनचा दर सुमारे ५ हजार रुपये प्रति क्विंटल आहे. मात्र वाढलेला उत्पादन खर्च लक्षात घेतल्यास हा दर शेतकऱ्यांसाठी परवडणारा ठरत नाही.
खत, मजुरी व इतर खर्च वाढत असताना शेतमालाचे दर घटत आहेत. त्यामुळे शेती आर्थिकदृष्ट्या परवडणारी राहिली नाही.- प्रभाकर डाखरे, शेतकरी, मांगरूळ
हवामानाचाही दुहेरी फटका
यावर्षी सततच्या पावसामुळे खरीप उत्पादन घटले
रब्बी हंगामात रोगांचा प्रादुर्भाव वाढला
दमट हवामानामुळे तूर व हरभरा पिकांचे नुकसान झाले
या सर्व घटकांमुळे उत्पादन कमी झाले असून खतांच्या दरवाढीमुळे परिस्थिती अधिक बिकट झाली आहे.
शासनाकडे हस्तक्षेपाची मागणी
खतांच्या वाढत्या किमती, मजुरीचा वाढता खर्च आणि घटते बाजारभाव यामुळे शेती व्यवसाय टिकवणे कठीण होत असल्याचे शेतकऱ्यांचे म्हणणे आहे.
उत्पादन खर्चावर नियंत्रण आणण्यासाठी शासनाने तातडीने हस्तक्षेप करावा, अशी मागणी शेतकऱ्यांकडून होत आहे.
आगामी खरीप हंगामाच्या तयारीत असताना खतांच्या दरवाढीचा परिणाम थेट शेती अर्थकारणावर होणार असल्याने परिस्थितीवर लक्ष ठेवण्याची गरज निर्माण झाली आहे.
हे ही वाचा सविस्तर :Kapus Kharedi :'सीसीआय' केंद्रांचे शटडाऊन; शेतकऱ्यांची कापूसकोंडी वाढली
अधिक वाचा :Kadba Price : चाऱ्याच्या पेंढीला एवढा भाव का? जाणून घ्या सविस्तर