दहेगाव शिवारात दोन एकरातील १२ क्विंटल कापसाची चोरी; किमान ९६ हजार रुपयांचे नुकसान

चोरट्यांनी दोन एकर शेतातील कापसाची वेचणी करून तो कापूस चोरून नेला. त्या कापसाची एकूण किंमत ९६ रुपयांच्या आसपास आहे. ही घटना वेलतूर (ता. कुही) पोलिस ठाण्याच्या हद्दीतील पचखेडी नजीकच्या दहेगाव शिवारात सोमवारी (दि.०२) मध्यरात्री घडली असून, मंगळवारी (दि०३) सकाळी उघडकीस आली.

चोरट्यांनी दोन एकर शेतातील कापसाची वेचणी करून तो कापूस चोरून नेला. त्या कापसाची एकूण किंमत ९६ रुपयांच्या आसपास आहे. ही घटना नागपूर जिल्ह्याच्या वेलतूर (ता. कुही) पोलिस ठाण्याच्या हद्दीतील पचखेडी नजीकच्या दहेगाव शिवारात सोमवारी (दि.०२) मध्यरात्री घडली असून, मंगळवारी (दि.०३) फेब्रुवारी सकाळी उघडकीस आली.

गुणवंत लांजेवार, रा. पचखेडी (गां.), ता. कुही यांची दहेगाव (ता. कुही) शिवारात तीन एकर शेती असून, त्यांनी या वर्षी तिन्ही एकरात कपाशीची लागवड केली आहे. ते पचखेडी (गां) येथील तंटामुक्त गाव समितीचे अध्यक्षदेखील आहेत.

त्यांनी या कपाशीचे दोन वेचणीचा कापूस वेचून घरी आणला होता. सोमवारी शेतात भरपूर कापूस फुटला असल्याने त्यांनी तिसऱ्या वेच्यासाठी मंगळवारी सकाळी मजूर शेतात पाठविले. त्यावेळी त्यांना झाडांना खूपच कमी कापूस शिल्लक असल्याचे आढळून आले. हा कापूस चोरीला गेल्याचे लक्षात येताच त्यांनी पोलिसात तक्रार दाखल केली.

चोरट्यांनी किमान १२ क्विंटल कापूस चोरून नेला असून, त्या कापसाची किंमत ९६ हजार रुपयांच्या आसपास असल्याचे त्यांनी पोलिसांना सांगितले. पोलिसांनी कापूस चोरट्यांना शक्य तेवढ्या लवकर अटक करावी, अशी मागणी स्थानिक शेतकऱ्यांनी केली आहे. या प्रकरणी वेलतूर पोलिसांनी अज्ञात चोरट्यांविरुद्ध गुन्हा दाखल करून तपास सुरू केला आहे.

हेही वाचा : एक एकर दोडका ठरला पारंपरिक शेतीच्या तुलनेत लाख फायद्याचा; वाचा प्रकाशरावांची यशकथा