Poultry Farming : पोल्ट्री फार्ममध्ये ब्रुडिंगचा कालावधी (पिल्ले आल्यापासून पहिले १०-१४ दिवस) अत्यंत महत्त्वाचा असतो. या काळात पिल्लांची योग्य काळजी घेतल्यास मृत्यूदर कमी होतो आणि वाढ चांगली होते. याचबरोबर कोणत्या गोष्टी लक्षात ठेवायला हव्यात, हे समजून घेऊयात...
पोल्ट्री फार्म - ब्रुडिंग कालावधीत महत्त्वाच्या गोष्टी
- खाद्य, पाण्याची भांडी गाडीच्या चाकाच्या आरीप्रमाणे ब्रुडरखाली ठेवावीत.
- पिल्लांना योग्य उष्णता मिळते का ते पाहावे. त्याप्रमाणे ब्रूडरची उंचीवर खाली करावी.
- पहिल्या २४ तासात पिल्लांचे अन्न साठवण्याची पिशवी (क्रॉप) भरल्याची खात्री करावी.
- वयोमानानुसार खाद्य, पाण्याची भांड्यांची उंची वाढवावी.
- कोंबड्यांना योग्य वायुवीजन मिळत असल्याची खात्री करावी.
- नियमितपणे पिण्याच्या पाण्याची भांडी स्वच्छ धुवावीत.
- नियमितपणे पाण्यामध्ये सॅनिटायझर वापरावे.
- कोंबड्यांना लागणारी जागा त्यांच्या वाढीनुसार, वाढवून द्यावी.
- शेडमध्ये प्रमाणापेक्षा जास्त कोंबड्यांची गर्दी करू नये. योग्य जागा ठेवावी.
- पिल्लांना खाद्य विभागून द्यावे.
- लसीकरणाचा कार्यक्रम काटेकोरपणे पाळावा.
- ब्रूडिंगचा कालावधी योग्य ठेवावा. त्यामुळे पिल्लांची योग्य वाढ होते.
- ग्रामीण कृषी मौसम सेवा आणि विभागीय संशोधन केंद्र, इगतपुरी