Sheli Palan : शेळीच्या नवजात करडांना पहिल्या ५ दिवसांत आईचे दूध (चीक) मिळणे आवश्यक आहे. करडांना दिवसातून किमान चार वेळा दूध पाजावे किंवा आईसोबत ठेवावे. आईचे दूध अपुरे असल्यास किंवा उपलब्ध नसल्यास वेगळ्या दुधाची सोय करावी लागते, याबाबत थोडक्यात समजून घेऊयात...
शेळीच्या करडांना दुधाची सोय
- तीन-चार करडे असणाऱ्या शेळीस दूध कमी असू शकते.
- अशा वेळी करडांना बाहेरून बाटलीने दूध पाजावे.
- पाने तोडणाऱ्या करडांसाठी कप्यात हिरवा लुसलुशीत चारा टांगून ठेवावा.
- वाढीच्या वयाप्रमाणे कप्प्याची जागा वाढवावी आणि गटवारीनुसार करडे वेगळे करावेत.
- तीन महिन्यांनंतर नर व मादी करडे वेगळी करावीत.
- अशक्तपणा आलेल्या करडांसाठी पशुवैद्यकाची मदत आणि उपचार आवश्यक असतात.
- रात्रीच्या वेळी थंडी वाढत असल्याने छोटी करडे, कोकरे यांना निवारा करावा.
- करडांची संख्या जास्त असल्यास गोठ्यामध्ये करडांना ऊब लागेल अशा उंचीवर २०० ते ५०० वॅटचे बल्ब लावावेत.
- ग्रामीण कृषी मौसम सेवा आणि विभागीय संशोधन केंद्र, इगतपुरी