नाशिक : ग्रामीण भागात थंडीची चाहूल लागताच येथील पशुपालकांना दुहेरी संकटाचा सामना करावा लागत आहे. एकीकडे परतीच्या पावसामुळे चाऱ्याची कृत्रिम टंचाई निर्माण झाली असून, पशुखाद्याच्या किमती गगनाला भिडल्या आहेत. तर दुसरीकडे थंडीच्या काळात जनावरांमध्ये वाढलेल्या गंभीर आजारांमुळे उपचारांचा खर्च वाढला आहे.
सध्याच्या थंड वातावरणामुळे गायी, म्हशी आणि वासरांमध्ये अनेक गंभीर आजारांचे प्रमाण लक्षणीयरित्या वाढले आहे. त्यांच्या उपचारावर पशुपालकांना मोठा खर्च करावा लागत आहे. जनावरांची रोगप्रतिकारशक्ती कमी झाल्यामुळे ही संकटे वाढली आहेत.
कृत्रिम चाऱ्याची टंचाई
परतीच्या पावसामुळे शेतातील हिरवा चारा नष्ट झाला आहे. त्यामुळे पशुपालकांना ढेप आणि कांडी यासारख्या पूरक चाऱ्याचा वापर करावा लागत आहे. बाजारात किमती भरमसाठ वाढल्या आहेत. कुट्टी चाऱ्याचा वापर वाढला आहे.
चाऱ्याचा प्रकार व दर
- ढेप / पेंड (साधारण) ५० किलो २२०० - २४००
- कांडी (हरभरा/मूग/उडीद) ५० किलो १६०० - १८००
- सरकी पेंड ५० किलो २१०० - २३००
- शेंगदाणा पेंड ५० किलो २४०० - २८००
- सोया पेंड ५० किलो ३००० - ३३००
- कापूस पेंड ५० किलो १८०० - २१००
- गहू कडबा ३५ किलो ३५० ४५०
- तांदूळ भुसा ५० किलो १२०० - १४००
- मका कुट्टी ३० किलो ५५० - ६५०