paper bag day 2025 : पाहा सुंदर कागदी पिशव्या, प्लास्टिक बॅगचा घरोघरचा डोंगर आता करा कमी

प्लास्टिकचा अतिरेक पर्यावरणासाठी किती हानिकारक आहे हे आपण आता पाहतोच आहोत.. पण तरीही आपल्या हातातली प्लास्टिकची बॅग काही सुटत नाही.

मध्यंतरी प्लास्टिक पिशव्यांना सक्त विरोध झाला आणि कागदी पिशव्या, कापडी पिशव्या पुन्हा दिसू लागल्या. या पुन्हा नव्याने आलेल्या कागदी पिशव्या खूप जुन्या आहेत बरं का..

१८५२ साली अमेरिकेतील शिक्षक फ्रान्सिस वोल्ले यांनी पेपरबॅगची निर्मिती करणारे मशिन तयार केले.

पर्यावरणासाठी पुरक असणाऱ्या कागदी पिशव्यांचे महत्त्व सगळ्यांना समजावे यासाठी १२ जुलै हा दिवस Paper Bag Day म्हणून ओळखला जातो.

आता तर पेपर बॅग अशा कित्येक वेगवेगळ्या डिझाईन्समध्ये उपलब्ध आहेत.

आपल्याकडे आलेल्या बॅग थोड्या जपून, सांभाळून वापरल्या तर त्या नक्कीच भरपूर दिवस टिकू शकतात.

अशा काही प्रकारच्या बॅग घरच्याघरी तयार करायलाही अगदी सोप्या आहेत.

लहान मुलांना सुटीमध्ये या बॅग तयार करायला शिकवलं तर त्यांचा छान वेळही जाईल आणि त्यांच्याकडून काही कलात्मक तयार होईल.

लहान मुलांच्या वाढदिवसाला रिटर्न गिफ्ट दिलं जातं. ते जर अशा बॅगमध्ये घालून दिलं तर लहान मुलांपासूनच मुलांना कागदी पिशव्या वापरण्याची सवय लागू शकते.