चांदीचे दागिने गरम तव्यावर ठेवा आणि जादू पाहा- ५ मिनिटांत नव्यासारखे लख्ख चमकतील

गौरी- गणपतीचे दिवस आता जवळ आले आहेत. त्यामुळे सणासुदीच्या दिवसांत छान छान दागिने, साड्या, पारंपरिक कपडे घालून सजणं ओघाने आलंच..

म्हणूनच या दिवसांत घालण्यासाठी चांदीचे दागिने अगदी आतापासूनच स्वच्छ करून ठेवा. म्हणजे मग कधीही वेळ आली की छान चमकदार दागिने अगदी झटपट घालता येतील.

हा उपाय करून तुम्ही चांदीचे पैंजन, गळ्यातल्या माळा, साखळ्या, कानातले , बांगड्या असे चांदीचे वेगवेगळे दागिने स्वच्छ करू शकता.

हा उपाय करण्यासाठी सगळ्यात आधी गॅसवर एक तवा गरम करायला ठेवा. तवा गरम झाल्यानंतर त्यावर चांदीचे दागिने टाका.

आता गरम तव्यावर चांदीचे दागिने घातल्यानंतर ते थोडे हलवा जेणेकरून ते सगळीकडून गरम होतील.

आता गरम तव्यावर आणि गरम झालेल्या दागिन्यांवर कोणतेही सोडा असणारे सॉफ्ट ड्रिंक घाला.

सॉफ्ट ड्रिंकऐवजी तुम्ही त्यावर बेकिंग साेड्याचं पाणीही घालू शकता. या पाण्यामध्ये चांदीचे दागिने चांगले बुडायला हवे. साधारण २ ते ३ मिनिटांनी दागिने तव्यावरून खाली घ्या. आणि स्वच्छ पाण्याने धुवून घ्या.

काळे पडलेले चांदीचे दागिने अगदी नव्यासारखे लख्खं चमकलेले दिसतील.