फक्त १० रुपयांत होणारा घरगुती उपाय,घरातलं फर्निचर दिसेल नव्यासारखं-वाळवीही लागणार नाही..

पावसाळ्याच्या दिवसांत घरातल्या लाकडी फर्निचरची थोडी विशेष काळजी घ्यावी लागते. कारण सगळीकडे दमट हवामान असतं. त्यामुळे फर्निचरला ओल येऊन ते खराब होण्याची भीती असते.

पावसाळ्यात जर फर्निचरची व्यवस्थित काळजी घेतली गेली नाही तर त्याला वाळवी लागण्याचीही शक्यता असतेच..

त्यामुळे अनेकजण ठराविक कालावधीनंतर फर्निचरला पॉलिशिंग करून घेतात किंवा मग त्यावर वूडन पेंट लावतात. जेणेकरून त्याचा टिकाऊपणा वाढतो आणि शिवाय ते अगदी नव्यासारखं चकाचक होऊन जातं.

पण फर्निचरला चमक येण्यासाठी नेहमीच त्याच्यावर महागडा वूडन पेंट लावण्याची किंवा त्याला पॉलिशिंग करण्याची गरज नसते. त्याऐवजी तुम्ही हा एक सोपा उपाय केला तरी जुनं फर्निचर अगदी नव्यासारखं लख्खं चमकेल.

हा उपाय करण्यासाठी एका वाटीमध्ये पाणी घ्या. त्यात १ चमचा खोबरेल तेल आणि १ चमचा व्हाईट व्हिनेगर घाला.

आता या पाण्यात कपडा बुडवा. तो घट्ट पिळून घ्या आणि मग त्याने फर्निचर पुसून घ्या.. ते अगदी नव्यासारखं चकाचक होईल.

खोबरेल तेलाऐवजी तुम्ही ऑलिव्ह ऑईलही वापरू शकता. या पद्धतीने आठवड्यातून एकदा फर्निचर पुसल्यास ते नेहमीच चमकदार दिसेल.