दारासमोर - जिन्यात काढा गौरींची सुंदर सुबक पाऊले, काढायला सोप्या- दिसायला आकर्षक डिझाईन्स

महालक्ष्मीचा किंवा गौरीच्या सणाच्या दिवशी घराबाहेर गेटजवळ, जिन्यात तसेच महालक्ष्मी किंवा गौरी जिथे बसवतो तिथे त्यांची पाऊलं काढली जातातच. रांगोळी कोणतीही काढली तरी या ३ दिवसांत गौरीच्या पाऊलांना मोठा मान असतो. म्हणूनच गौरींची पाऊलं कशी काढायची, त्याच्या या काही खास डिझाईन्स...

ही अगदी साधी- सोपी आणि झटपट होणारी पाऊलं. यासाठी तुमच्याकडे रांगोळीचे रंग नसतील तरी चालेल....

कोयरीच्या आकाराची ही पाऊलं दरवाज्याजवळ काढायला अतिशय सुबक, देखणी वाटतात. मध्ये रंग दिला की पाऊल अगदी भरल्यासारखे वाटते.

तुमच्याकडे खूप वेळ नसेल, झटपट पाऊलं काढायची असतील तर वर त्रिकोण आणि खाली गोल काढून बोटे काढण्याचे हे डिझाईन अगदी सोपे आणि कमी वेळात होणारे आहे.

हे काही डिझाईन्स बघून घ्या. पण हे डिझाईन्स काढायला तुमच्याकडे थोडा निवांत वेळ असायला हवा. कारण पाऊलांचा आकार परफेक्ट येणं गरजेचं आहे.

झटपट आणि कमी वेळेत काढायचे झाल्यास या काही पाऊलांचा विचारही तुम्ही करू शकता. ही पाऊलं काढण्यासाठीही तुमच्याकडे रांगोळीचे रंग असायलाच पाहिजेत असे काही नाही.