महाराष्ट्राची शान असलेल्या पैठणीचे १० प्रकार, नावं वेगळी पण थाट तोच-मानही तसाच खास
Updated:September 10, 2025 11:30 IST2025-09-07T13:56:07+5:302025-09-10T11:30:47+5:30
Paithani Saree 10 Patterns And Names : कलांजली पैठणी त्यांच्या साड्यांची गुणवत्ता आणि अस्सलतेची खात्री देतात. या साड्या हातमागावर विणलेल्या असतात.
कलांजली पैठणी
पैठणी हा महाराष्ट्रातील साड्यांचा एक पारंपारीक प्रकार आहे. हा साडीचा प्रकार महाराष्ट्रासह देशभरात महिला अभिमानानं नेसतात.पैठणीतही अनेक प्रकार आहेत कोणत्या प्रकारची पैठणीला काय म्हणतात ते पाहूया. कलांजली पैठणी त्यांच्या साड्यांची गुणवत्ता आणि अस्सलतेची खात्री देतात. या साड्या हातमागावर विणलेल्या असतात. (Paithani Saree Pattern, Designs And Color)
मुनिया पैठणी
मुनिया पैठणीचे मुख्य वैशिष्ट्य म्हणजे तिच्या काठांवर आणि पदरावर बारीक विणलेले पोपटाचे नक्षीकाम. हे पोपट सहसा हिरव्या किंवा लाल रंगाच्या रेशीम धाग्यांनी विणले जातात, ज्यामुळे ते उठून दिसतात.
शिवशाही पैठणी
शिवशाही पैठणीचा पदर अतिशय भरजरी असतो, ज्यावर आकर्षक नक्षीकाम केलेले असते. हे काम अतिशय कुशल कारागीर करतात.
राजहंस पैठणी
अनेक राजहंस पैठणी साड्यांमध्ये मीनाकारी विणकाम (Meenakari weaving) केले जाते. यामुळे डिझाइन अधिक रंगीत आणि ठळक दिसते.
सेमी इरकल पैठणी
या साडीमध्ये पैठणीच्या पारंपरिक मोर, पोपट आणि कमळ यांसारख्या नक्षीकामाचा आणि इरकलच्या चौकटी पॅटर्नचा वापर केला जातो. त्यामुळे, साडीला एक वेगळा आणि आकर्षक लुक मिळतो.
चंद्रकोर पैठणी
या साडीचे मुख्य आकर्षण म्हणजे तिच्या काठांवर आणि पदरावर दिसणारी चंद्रकोर. ही नक्षी सोन्याच्या किंवा चांदीच्या जरीने विणलेली असते, ज्यामुळे ती उठून दिसते.
सिको पैठणी
सिको पैठणी अस्सल रेशीम पैठणीच्या तुलनेत खूप हलकी असते. सुती धाग्यांच्या वापरामुळे ही साडी नेसण्यासाठी अतिशय आरामदायक असते, विशेषतः उष्ण हवामानात.
चंद्रकोर काडीयाल पैठणी
या पैठणीच्या काठांवर आणि पदरावर चंद्रकोर आणि चांदण्यांचे नक्षीकाम विणलेले असते. ही डिझाइन साडीला एक खास आणि आकर्षक स्वरूप देते.
नारायण पेठ पैठणी
: नारायण पेठ साडीची मुख्य ओळख म्हणजे तिच्या पदरावर आणि साडीच्या मुख्य भागात लहान किंवा मोठ्या चौकड्यांचे नक्षीकाम. हे नक्षीकाम विणकामातच तयार केले जाते.
गडवाल सिल्क पैठणी
या साडीमध्ये गडवाल सिल्क साडीचा विशिष्ट भरजरी सोनेरी पदर (golden pallu) आणि पैठणीच्या पारंपरिक मोर, पोपट, आणि कमळ यांसारख्या नक्षीकामाचा संगम दिसून येतो.