रोपांना फुलंच येत नाहीत, पानं पिवळी पडतात? 'या' पद्धतीने बेकिंग सोडा वापरा- रोपं होतील हिरवीगार

रोपांच्या बाबतीतल्या कित्येक समस्या कमी करण्यासाठी बेकिंग सोडा अतिशय उपयुक्त ठरतो. पण त्याचा योग्य वापर कसा करून घ्यायचा हेच माहिती नसतं..

म्हणूनच या काही टिप्स पाहा आणि अगदी घरच्याघरी बेकिंग सोडा वापरून रोपांची कशी काळजी घ्यायची ते बघा.

५ ग्रॅम बेकिंग सोडा १ लीटर पाण्यात भिजत घाला आणि नंतर हे पाणी पानांवर शिंपडा. पानांचा रंग अधिक गडद हिरवा होऊन रोपाची वाढही चांगली होईल.

५ ग्रॅम बेकिंग सोडा अर्धा लीटर पाण्यात विरघळून घ्या. नंतर या पाण्यात १ चमचा व्हाईट व्हिनेगर घाला. आता हे पाणी १५ दिवसांतून एकदा रोपाला द्या. यामुळे मातीची पीएच लेव्हल चांगली राहाते आणि रोपंही जोमाने वाढतात.

जर रोपांवर पांढरा मावा पडल्यासारखा वाटत असेल तर ५ ग्रॅम बेकिंग सोडा, ५ ग्रॅम साखर अर्धा लीटर पाण्यामध्ये मिसळा आणि हे पाणी रोपांवर शिंपडा. रोपं निरोगी राहतील.

बेकिंग सोडा घेऊन तो गरम पाण्यात मिसळा आणि हे पाणी कळ्यांवर शिंपडा. फुलांचा आकार जास्त टपोरा होईल आणि त्यांचा रंगही जास्त चमकदार दिसेल.